الاجراءت التى يتم اتباعها

أولاً:- السحب و محتويات الملف و التقديم

أ- ميعاد السحب :-

يوم 1 / 3 / 2009 ان شاء الله هتروحوا تسحبوا الملف وسعر الملف 50 جنيه وميعاد السحب هيبقى من يوم 1 / 3 / 2009 الى يوم 12 / 3 / 2009 ودا نفس ميعاد التقديم أى انك خلال هذه المدة تسحب الملف وتقدمه

ب- محتويات الملف :-

حضرتك بعد ماتسحب الملف ستجده مكون من الاتى :-

1- طلب تعيين باسم السيد المستشار رئيس هيئة النيابة الادارية

2- وثيقة تعارف لمرشح عضو نيابة ادارية (مكونة من ورقة واحدة تملأ بمعرفة المرشح)

3- وثيقة تعارف لجميع العائلة حتى المعارف ان وجد( وطبعاً يتكتب فيها أضل المعارف من حيث المركز الاجتماعى على شرط ميكونش من اللى مكتوبين قبل ذلك فى الاقارب أو الاصهار) ودى طبعاً بتيكون فيها خانات للأقارب وأزواجهم بالتفصيل فيراعى الدقة وعدم الشطب لذلك صور الوثيقة صورة واملأها اولاً ثم انقل منها فى الأصل وبعد كده صور الأصل صورتين عشان هيخدوهم منك ( ومتنساش صور صورة لنفسك عشان ان شاء الله لما تجيلك تحريات تبقى تراجع بياناتك منها لأنك هتتسأل فيها هناك أسألة خفيفة كما سيأتى لاحقاً )


ج- التقديم :-

هتروح تقدم الملف بتاعك على أقصى تقدير يوم 12 / 3 / 2009 الموظف اللى هيستلم منك الملف يراجعه وهيديك وصل صغير بالاستلام فيه تاريخ الاستلام وهيقولك تيجى يوم كذا تعرف ميعاد المقابلة الشخصية بتاعتك


ثانياً : المقابلة الشخصية :-

سوف تتفضل مشكوراً وتروح فى اليوم اللى الموظف هيقولك عليه تيجى تعرف يوم امتحانك فيه (وده فى نفس المكان اللى انت سحبت وقدمت فيه الملف) هتلاقى طابور طويل من الدور الثانى الى الشارع تقف فيه الى أن يأتى عليك الدور وتدخل هتلاقى كشوف متعلقة على الحيط تشوف فين الكشف الخاص بجامعتك وتروح عليه تعرف انت امتحانك يوم كام والساعة كام واللجنة رقم كام ورقمك فى اللجنة بتاعتك كام تتفضل مشكوراً تروح وتيجى فى يوم الامتحان (المقابلة الشخصية ) واللى هيكون عنوانه ( 5 شارع ذكى _ التوفيقية_أمام سنترال رمسيس ) روح والف مين يدلك العنوان ميتوهش .

تطلع الدور الرابع على ما أذكر هيتم ترتيبكم والمناداة على الاسماء وأخذ البطاقة من كل واحد وتجميعكم فى دفعات 6ب6 تدخلو على اللجنة ( نصيحة من أخ ) أهم حاجة فى المقابلة الاعصاب الهادئة الاسئلة سهلة جداً (أهم حاجة ذاكر الاسئلة اللى موجودة على المنتدى بس وان شاء الله مش هتخرج عنها وكل الاعضاء اللى فى المنتدى هيأكدولك الكلام ده) بعد الاعصاب الهادئة والاسئلة اللى على المنتدى المظهر العام ان لم يكن هو رقم 1 فى المقابلة ثم اللباقة وحسن الرد على السؤال بمعنى ان المستشاريين هيركزوا فيك على الاتى :-

1- مظهرك وطريقتك وانت داخل وطريقة جلوسك ( يعنى مثلاً متقعدشى على طرف الكرسى ولا تحرك يدك كثيراً أثناء الاجابة وهكذا يعنى لا تتوتر)

2- اسلوبك فى الرد على السؤال وطريقة اجابتك وفهمك للسؤال حتى لو مجوبتش صح المهم ازاى هتقدر تخرج من المأزق وتقدر تقنعهم باجابتك ولو معرفتش الاجابة أوعى تسكت حاول تجاوب على قد مفهمت السؤال بس متلخبطش الامور فى بعضها جاوب ولو اجابة قريبة من السؤال وبالتوفيق ان شاء الله

وبعد كده الانتظار لحين نزول تحريات واللى ان شاء الله مش هتغيب يعنى حوالى شهر شهر ونص شهرين بالكتير


ثالثاً :- نزول التحريات (بدأنا فى الجد) :-

بعد المقابلة سيتم اختيار الاخوة والاخوات اللى تم اجتيازهم للأمتحان فى المقابلة لنزول تحريات لهم ( أمن دولة وجنائى واللى هنفصل بيحصل فيهم ايه ان شاء الله) تمهيداً لاختيار الصفوة منهم للكشف الطبى ان شاء الله .

أولاً:- تحريات أمن الدولة :-

بعد ماحضرتك تنجح فى الاختبار الشخصى ان شاء الله بيتم ارسال ملفك لمكتب الامن بوزارة العدل واللى بدورها بتقوم بارسال نسخة من الوثيقة (اللى حضرتك مليتها بنفسك وصورتها صورتين) لأمن الدولة والنسخة الثانية لمصلحة الامن العام.

هيتصل بيك أمين الشرطة بتاع أمن الدولة اللى حضرتك تابع لدائرته وهيقولك حضرتك تشرفنا النهاردة أو بكرة على أقصى تقدير ( هما مبيكتروش علن كده) لأن حضرتك ليك تحريات نيابة ادارية عندنا وتجيب مع حضرتك صورة من الوثيقة اللى انت قدمتها فى الملف (زى ماقولتلك صور لنفسك صورةعشان كده) وصور جميع مستندات الممتلكات اللى انت قدمتها مع الملف والاصول للأطلاع (وخد معاك كمان ورق فلوسكاب كفاية وقلم لأنك هتنقل الوثيقة كلها تقريباً من جديد بخط ايدك) تعمل اللى هيقولك عليه وتروح فى الميعاد المحدد وطبعاً معاك البطاقة بعد متخلص كتابة هيدخلك للضابط عشان يسألك شوية أسألة فى الوثيقة بتاعتك واللى دائماً بتكون عن الاشخاص اللى لهم ملفات فى أمن الدولة من أقاربك ولو مفيش بيسألك أسألة روتينية عشوائية عن بعض أفراد العائلة أو المعارف اللى موجودين فى الوثيقة وبس خلاص بيقولك أتفضل مع السلامة وبالتوفيق ان شاء الله وبتاخد بطاقتك وتمشى وبعدين نرجع تانى للأنتظار لكن المرة دى مش كتير اسبوع ولا اثنين وتلاقى المباحث بعتالك (استر يا رب)

ثانياً:- تحريات المباحث :-

بيتصل بيك الخفير أو أمين الشرطة أو الموظف المختص بالتحريات فى المباحث وبيقولك هتجيلنا الساعة كذا يا حضرتالاسلوب مختلف تماماً عن أمن الدولة (وتجيب معاك الاوراق بتاعتك) بتروح فى الميعاد المحدد لك وهناك هتلاقى المستخبى بان يا معلم كل واحد فى اللى اتكتبو فى الوثيقة كان عليه أى حاجة ياباشا مصلحة الامن العام بتبعت بيه ورقة كبيرة مكتوبة على الكمبيوتر باللى عليه من أحكام للتحرى عنها الموظف هيقولك روح صورلنا دى نسخة ( النسخة الثانية من الوثيقة اللى انت كنت مصورها وفيها جواب مصلحة الأمن العام اذا كان أحد من الاقارب عليه حكم ولا حاجة ) بتصورها وترجعله وبقى صور جواب المصلحة(ان وجد) كمان نسخة ليك هتنفعك بعد كده ويا اما يعملك التحريات بتاعتك وانت واقف وتخلص يا أما بيقولك هيجيلك أمين شرطة المباحث للتحرى عنك وعن الاشخاص اللى فى الوثيقة ( وأسيبلك انت بقى تكتشف اللى بيحصل فى الفترة دى بنفسك عملى يا باشا)

رابعاً:- مرحلة ما بعد التحريات ( الانتظارثم الانتظار ثم الانتظار ) :-

بعد متخلص التحريات بتاعة المباحث وأمن الدولة بيبعتو هما بقى التحريات دى على ضوء ما أسفرت عنه للوزارة(مكتب الامن العام بوزارة العدل مرة أخرى) واللى بدورها بتبعت التحريات مع الملف مرة أخرى للهيئة كى تربط الملفات بالرباطة الحكومية الشهيرة الى أن يأذن الله لها أن تفك ويتم النظر فيها للأختيار منها الاشخاص اللى هيتم نزول كشف طبى لهم ان شاء الله ودا طبعاً بعد استبعاد المحظورين أمنياً واللى تحرياتهم كانت سيئة

سادساً :- الكشف الطبى (الف الف مبروك ياباشا) :-

ادعولى ربنا يوفقنى وينزلى كشف طبى وانا هبلغكم ان شاء الله بيحصل فيه ايه بالظبط (اللى أعرفه عن الكشف الطبى ان أحد المستشاريين بيتصل بيك وبيقولك الف مبروك حضرتك قبلت فى النيابة الادارية وهتيجى يوم كذا الساعة كذا عشان تكشف طبى وهيقولك على المكان فى دفعة 2006 قالو لناس تيجو فى نفس مكان المقابلة وناس فى مصلحة الطب الشرعى وده كان بالليل والكشف بيكون عينة بول فقط للكشف عن المخدرات واللى بيكون فى مصلحة الطب الشرعى بالوزارة) وبالتوفيق ان شاء الله

سابعاً :-نزول اسماء المعينين فى الجرائد الرسمية (والله الف مبروك ياباشا بس متنساناش وربنا يقدرك ويعينك على أداء مهامك الوظيفية على أكمل وجه )

بعد كده بيتم التنسيق مع الاعضاء الجدد على ميعاد حلف اليمين واستلام الكارنيهات والذى منه

----------------------------

- الأوراق المطلوبة هى :-

1- شهادة الليسانس ( الشهادة المؤقته )

2- شهادة ببيان التقديرات على مدار السنوات الاربع ( بالنسبه لكلية الحقوق) او الخمس بالنسبه للشريعه

3- صحيفة الحاله الجنائيه للمتقدم فقط

4- صوره البطاقه الشخصيه للمتقدم ولوالد المتقدم

5- بيان حالة لوظيفة الوالد وبيان بالمرتب

6- صور لعقود الاملاك

7- عدد 6 صور شخصية

8- بيان الموقف من التجنيد للذكور وشهادة اداء الخدمه العامه للاناث

9- شهادة ميلاد للمتقدم

ويتم السحب والتقديم بالمقر الكائن 107 شارع رمسيس القاهرة

وستعلن كشوف مواعيد الاختباربالمقر المذكور


----------------------------

* أسئلة النيابه الإداريه دفعة 2006 *

ماهى طرق اختيار الموظف العام؟

تعريف الضبط الادارى؟

ماهى طرق انهاء الخصومه؟

ماهو الموظف العام؟

ما هى طبيعة عمل النيابة الادارية وقواعد عملها ؟

ما هو مبدأ المساواة ؟

اجراءت تعين الموظف العام ؟

ما هى الخصومة ؟

ما هى الاجازات التى ياخذها الموظف باجر ولا يخصم مرتبه ؟

من له الحق فى تطبيق الجزاءات التاديبيه على الموظف ؟

تعريف المرفق العام ؟

ما اثر نظريه اعمال الغصب علي اختصاص القضاء الاداري المصري؟

مالفرق بين قضاء الالغاء والقضاء الكامل؟

تعريف الشروع؟هام

مالفرق بين الأختلاس والإستيلاء وخيانة الأمانة والغدر ؟

ماهى العقود الإدارية وماأساس الالتزام بها ومدى جواز التنازل عنها ؟

كيفية فسخ العقود الإدارية والتعويض عنها وما هى غرامة التأخير ؟

الفرق بين العقد الإدارى والعقد المدنى ؟

كم عدد الهيئات القضائية فى مصر وهل يعد الجهاز المركزى للمحاسبات هيئة قضائية ؟

ماهى موانع المسئولية التأديبية والجنائية ؟

الفرق بين جريمتى الغدر والتربح ؟

ماهو الركن المادى فى جريمة الرشوة ؟

تعريف الاستقالة والاستقالة الضمنية والعزل من الوظيفة ؟

اختصاصات النيابة الادارية؟

ما هى طبيعة النيابة الادارية ؟

ما المقصود بالفاعل والشريك؟

ما المقصود بالرشوة؟

ما المقصود بالتبديد ؟

ما هو المقصود بمبدا شرعية الجزاء الادارى وما هى الجهة المختصة بتطبيقه؟

تعريف الدستور وما المقصود بمبدأ سمو الدستور ؟

ما هى أنواع الدساتير وما الفرق بين الديمقراطية المباشرة وغير المباشرة ؟

ما هو العرف الدستورى وما الفرق بينه وبين الدستور العرفى وما انواعه ؟

كم مادة تم تعديلها فى الدستور مؤخرا وما رايك فى تلك التعديلات ؟

ما هى أهم تلك التعديلات التى تخص رئيس الجمهورية وما المقصود باستقلال القضاء؟

ما هى إختصاصات النيابة الادارية وما الجهات التى تخضع لولا يتها ؟

تعريف الموظف العام وما هى أهم واجباته وكيف يتم اختياره ؟

كيفية إنتهاء خدمة الموظف العام وماهى موانع الترقية وما شروطها ؟

ماهى الحالات التى لا يحق فيها الشفعه؟



* بعض الاسئلة التى سئلت يوم المقابلة *

1/اختصاصات النيابة الادارية

2/ما هى طبيعة عمل النيابة الادارية و قواعد عملها

3/ما المقصود بالفاعل والشريك

4/ما المقصود بالرشوة

5/ما المقصود بالتبديد

6/ماهى طرق اختيار الموظف العام؟

7/ تعريف الضبط الادارى؟

8/ ماهى الخصومة و طرق انهائها

9/ ماهو الموظف العام؟

10/ ما هو مبدأ المساواة

11/ ما هي اجراءات تعيين الموظف العام

12/ ما هى الاجازات التى ياخذها الموظف باجر ولا يخصم مرتبه ؟

13/ ما هو الاستئناف الوصفي

14/ من له الحق فى تطبيق الجزاءات التاديبيه على الموظف ؟

15/ تعريف المرفق العام ؟

16/ ما اثر نظريه اعمال الغصب علي اختصاص القضاء الاداري المصري؟

17/ مالفرق بين قضاء الالغاء والقضاء الكامل؟



* أسئلة النيابه الإداريه دفعة 2007 *

1 – تعريف المرفق العام : سماته ، وأهدافه .

2 – تعريف الموظف العام ( واجباته – تعيينه )

3 – القرار الإداري ( عناصره وأركانه )

4 – الشريك .

5 – الاستيلاء والتربح والاختلاس .

6 – الفاعل والشريك .

7 - العقوبة الجنائية والتأديبية

8 – الرشوة والاختلاس .

9 – الشروع وأركانه ( هل يوجد شروع في الاختلاس )

10 – التقادم ( أنواعه وآثاره )

11 – عدد الهيئات القضائية في مصر .

12 - النيابة الإدارية ( تعريفها واختصاصها)

13 – القضاء الإداري .

14 – العقد الإداري ونظرياته ومظاهر السلطة العامة فيه (الفارق بينه وبين العقد المدني).

15 – انتهاء خدمة الموظف العام .

16 – الاستقالة

17 – اختصاص المحاكم الإدارية .

18 – تشكيل مجلس الدولة .

19 – الوقف الإداري ومدته .

20 - السبب في القرار الإداري

21 - الجريمة المستحيلة والخائبة .

22 – المال العام ووسائل حمايته القانونية والإدارية .

23 – رفع الدعوى وتحريكها .

24 – الضبط الإداري .

25 – القضاء التعويض والإلغاء .

26 – أنواع الجزاءات التأديبية .

27 – انقضاء الدعوى التأديبية وتقادمها .

28 – أركان المسئولية التقصيرية والعقدية .

29 – مصادر الالتزام .

30 – اختصاص المحكمة الدستورية العليا



( منقول )