طبخات ما تأخذ وقت ▲ ▼ ▲

 

المقادير * استخدمت اكواب القياس المعتمدة
- كوب زبدة غير مملحة (اصبعين)
- كوبين وربع سكر عادي
- 4 بيضات كبيرة
- كوب وربع ككاو بودرة
- ملعقة شاي ملح
- ملعقة شاي باكينغ باودر
- ملعقة شاي قهوة، اسبريسو او نسكافيه (اختياري)
- ملعقة طعام فانيلا
- كوب وربع طحين
- كوبين رقائق شوكلاته هيرشي او اي نوع آخر

الطريقة * بعد ما نجهز كل المقادير قدامنا، نسخن الفرن على 350 فهرنهايت/ نجهز صينية الخبز مقاس 9 في 13 وندهنها بزبدة خفيفه
* نحط الزبدة في قدر صغير ونذوبها على نار خفيفه، بعد ما تذوب نرفعها من على النار ونحط عليها السكر ونخلطه وبعدين نرجع القدر على النار، ونحركها على نار خفيفة انتبهو لا تكون نار قوية ويطلع فقاعات! نحرك فيها لين ما السكر يذوب تماما
* وقت ما السكر والزبدة يذوب ... نجهز باقي الخلطه، نكسر البيض في اناء الخفق ونحط معاه الككاو البودرة/ الملح/ الباكنغ باودر/ القهوة/ الفانيلا ونخفق لين ما يتجانس وبعدين نضيف عليه خليط الزبدة والسكر ونحركهم بملعقه
* نضيف الطحين ورقائق الشوكلاته ونخلط بالملعقه
* بعد ما يتجانس الخليط نصبه في الصينية وندخلها الفرن
* نخبزها لمدة بين 28 و 30 دقيقة موووو اكثر!!! علشان ما تجف
* لما نطلعها من الفرن نتركها لين تخف حرارتها ونقطعها
ولو حبيتو تزينوها بنوتيلا، مع انها ما تحتاج نوتيلا ابدا!! غلفو الباقي واتركوه بحرارة الغرفة وممكن يتخزن لمدة خمس ايام اذا كان مغلف جيدا!

هشة ولذيذة جدا ...


tulin22

tulin ...

  • Currently 0/5 Stars.
  • 1 2 3 4 5
0 تصويتات / 303 مشاهدة
نشرت فى 1 يونيو 2015 بواسطة tulin22

ساحة النقاش

عدد زيارات الموقع

82,483