جارى التحميل
استخدم زر ESC أو رجوع للعودة
الحالة اتنيلت ولية إحنا اتلهينا
والامور اتعيلت والهم كتر علينا
وصحتنا اتدهورت والغلب طلع علينا
والدنيا اتشندلت والسلاسل بقيت في ايدينا
يابا أنت وامى سبتونى للهموم
البحر موجة عالي وأنا معرفش أعوم
ألومكم ولاالوم نفسى على مين يكون اللوم
الغلب فاض بى وحطلع من الهدوم
يابا أنت وامى يا ريت قاعدين تشوفو
الهم اللي إحنا فية اكبر من خوفو وخفرع
الولد بيقتل امة ويمكن يقتل ضيوفه
الله يرحم زمانكو والعايشين ياما بيشوفو
فينك يا ابن عمى زمان كانو يقولوا
والنهاردة الدنيا تاهت ومفيش كلام اقولوا
الناس نسيو دينهم المسلم ترك رسولو
الناصح يعرف عدو ويعرف كمان عزولة
فينك يا جار زمان والألفة والحنان
النهاردة الجيرة حيرة خرابه والفران
جرة وريحه طالعة مليانة بالديدان
والناس ديابة تنهش وراح حق الغليان
فينك يا صديقي وصاحبي والصداقة لها معنى
والحقد انهاردة بايت بين اهلى وبين قرايبى
حتى لو عشنا في سبايت اة فين حبايبى
المصدر: الشاعر نصر الدين احمد
ساحة النقاش