تِعْرِفِ إني من غِيابِك إنْتَهيت ضاعَت أفْراحي وادوِّرْ بسْمتي وتِعْرفِ إني مِن حنِيْني مااكْتِفِيتْ بَاقي إحساس الوِلِه في مُهْجِتي أحْبِسِ الدَّمْعَة ولا عُمري شِكِيتْ ما شكيْتِ إِلا لِرَبِّي بْضِيقِــتِي ساهِرَة عُيوني وإذا لحْظَة غَفِيْت مايِجِي غِيْرك يِسَــامِرْ غَفْوِتي لا ورَبِّي .. مَاقُوِيْت ولا قُوِيْتْ رَاحَتِ بْبُعدك مَعَـــالِم قُوِّتِي كيْفَ أبَا قْوى عَالفُراقُ ومَاحَويتْ (غِيرِكِ بْقلبِي) وبِاسْمِك نَبْضِتِي!!؟ والقَصِيْد اللي كِتَبْتَه بِيْتْ .. بِيْتْ كِلَّ حَرف(ن) بَه تِزَايَدْ حَسْرِتِي لِيتِني بْدرْبِ المَحَبَّة مامِشِيتْ ولا انْتَهَتْ بِفْراقْ خِلِّي قِصِّتِيْ لِيتِنِي (طِفْلَة) عَلَى حالِيْ بِقِيتْ ماعَشَقْتِ إلا سَريْرِي وْ لِعْبِتِيْ لِيْتِنِي كِلْ مَانْجَرَحْ قَلْبي نِسِيْتْ كَانَ ابَانْساكُم وتِبْرَى عِلِّتِيْ لِيتِنِيْ ويَالِيْتِنِي ويَالِيتِ لِيْتْ إِخْتَلَطْ صُوتِ الأمَانِي بْوَنِّتِيْ