التصوير الفوتوغرافي من احلى واكتر الهوايات انتشارا، وفنفس الوقت من اسهلها ممارسة، كل الي محتاجة كاميرا مهما كان نوعها!، بس اغلبنا صور كتير صور وحشة، وعشان نغير دا ونصور صور حلوة، محتاجين نتعلم قواعد التصوير الفوتوغرافي الصحيحة.

‫فعشان كدا النهارده جايبين لكم 6 كورسات مجانية موجودة على الانترنت للتصوير الفوتوغرافي نتمتى انها تعجبكم !

‫Udemy — Karl Taylor’s Photography Course 

كارل تايلور مصور محترف شهير ومشهور بكورساته عن فنون التصوير. وكورساته غالية لكن في نفس الوقت ليه اكتر من كورس مجاني.

الكورس دا مثالي للمبتدأين لو لسه شاري كاميرا بروفيشنال DSLR جديدة، الكورس بيتكون من 22 محاضرة و ساعتين من الفيديوهات المتاحة اونلاين ، بالاضافة لPDFs متاحة للتنزيل. والجميل ان فيه كمان منتديات للتفاعل مع المتعلمين التانيين

. Udemy — Ditch Auto: Start Shooting in Manual

لو عايز ترفع مستواك فعلا في التصوير الفوتوغرافي، لازم اول حاجه تعملها انك تنسى التصوير بوضعية الauto وتبدأ التصوير المانيوال، الكورس دا هيعلمك تبدأ ازاي، 37 محاضرة في 4 ساعات فيديو هتساعدك تفهم متاهات الmanual options في الكاميرا الDSLR. شوف الفيديوهات فيUdemy او قناة يوتيوب المملوكة لJerad Hill صاحب الكورس.

 MIT — Introduction to Photography

MIT الشهيرة و موقعها المفتوح المصدر للتعلم فيه كورس رائع عن بدائيات التصوير ومترجم لعدة لغات اجنبية كمان.

Open2Study — The Art of Photography 

Open2study موقع مفتوح المصدر للكورسات عبارة عن تحالف بين 49 جامعة في استراليا، من ضمن الكورسات الي عليه فن التصوير

. Udemy — Photoshop & Lightroom for Photographers

 

مادام جيبنا سيرة التصوير يبقى الفوتوشوب ولايت روم اصدقائك الاعزاء، 58 فيديو (6 ساعات) هياخدوك في رحلة لطيفة لتعلم اساسيات تعديل الصور بالبرنامجين

.  iTunes University — Master of Photography

77 فيديو بودكاست من ناشيونال جيوجرافيك !، الفيديوهات مش دروس تصوير قد ما هي وجهات نظر مصورين كبار في طرق التصوير والزوايا واللقطات، خبرة مهمة لان الصورة اكبر من من مجرد دوسة على زرار !

How Photography Connects Us

.   لو كنت كملت لآخر المقال، يبقى انت زي حالاتي فعلا بتحب التصوير، الفيديو دا عبارة عن TED Talk 17 دفيقة لدايفيد جريفين مدير ناشيونال جيوجرافيك بيتكلم فيها عن ازاي التصوير بيقربنا من بعض.