السلام عليكم ورحمة الله وبركاته 
ازيكوا كل سنه وانتوا طيبين 

ندخل فى المهم بقا بلاش رغى 
انا كان عندى داونى السايب ده قولت اجربه للهدوم كده بيدى ريحه حلوه
المهم فكرت كده وانا بمسح انى احط شويه فى المايه اللى بمسح بيها 
والنتيجه كانت جمييله بجد ريحه الشقه كانت تحفه بجد 

بعد مامسحت عادى جيت تانى مسحه 
حطيت ديتول وشويه صغيرين من الداونى ده 
واتفرجى بقا على ريحة الشقه بعدها 

ودى بقا فكره تانيه تحففه بجد لازم تجربوها 
حطيت بردو شويه من الدوانى هنا فى البخاخه 
واما جيت اغير الملايات هويت المرتيه شويه وقبل ماافرش 
رشييت على المرتبه والمخدات من البخاخه 
وكمان رشيت على الانتريه والستاير 
انا بقيت ماسكه البخاخه وعماله ارش على اى حاجه قصادى عشان الريحه جميله 

بس طبعا مش هنرش وهنغرق الدنيا مش هنفترى بردو