قصة وداع

كان القرار ف أخر ميعاد
إننا إحسن لينا نبقى بعاد
و فى لحظة واحدة إتهد
اللى إتبنى بينهم م سنين
إتفقوا كأنه م بينهم وعد
يفترقوا و يضيع الحنين
يضيع معاه حلم السنين
ف الأخر كان كلمة وداع
وف لحظة كل اللى إتبنى
يا خسارة كل الحب ضاع
اللقا و كأنه قعدة إستماع
كأن الود اللى بينهم إختفى
كان لقا لكن مليان بالجفا
إيه اللى حصل ف إخر لقا
كان كله عادى هات و خد
كل كلمه ليها 1000 رد
و كل سكة بتتفتح تتصد
كلها محاولات ع الفاضى
تحس إنه الكل راضى
ع الفراق إتفقوا عادى
إتفقوا إنه ميتفقوش
كل واحد يروح ف وادى
متتقبلش تانى الوشوش
كل اللى إتبنى ف سنين
يتهد ف لحظة ع فشوش
بجد أه كان اللقا
جديد عليا مشفتهوش
................................ ف 28 / 7 / 2015 
من صفحة الشاعر / شعبان مكى شاعر عامية