تهمة حب
الحبيب يدافع عن نفسه:
أنا خاطف حبك برئ
أنا عاشق قلبه جرئ
أنا ساجن ولا مسجون
أنا ناجى ولا غريق
أنا واحد ولا فريق
أنا فين وأسمى ايه ومين أكون
أنا الحركة ولا السكون
أنا الآسى ولا الحنون
أنا الحقيقة ولا الظنون
أنا الشاعر ولا المجنون
أنا المطر ولا الغيوم
طب غالى ولا أهون
وباقى عليك ولا بخون
خلاص أنا بعترف:
أنا خاطف قلب الحنون
فندى تهمى بصراحة
وأحكمى فى اى ساحة
وبعترفلك أنا الجانى وأنا المجنى
فى قلبى طيبة وسماحة
أحكمى ولو بكيفك
وأعدمى بنصل سيفك
شددى يا قاضية عليا
أنا راضى قيود أيديا
أنا راضى وانتى السبب
يا من جعلتينى مجرماً
أدمنت انحرافى فى غرامك
وقلبى فى حبك سوابق
والتهمة سارق وعاشق
ومبكى قلوب العذارى
محكمة:
حكمت المحكمة على المتهم
بالاشواق الحارة المحزنة
والسجن فى غرامة مدى الحياة
مع التحفظ على جميع مشاعرة
وأحاسيسه وتوقف القلب عن العمل والحب
رفعت الجلسة
بقلمى: مراد مصطفى مراد
