من فوزى وطلب الى منير وهلال
أغانى رمضان لم تفقد بريقها (2ـ2)
طاهر البهى
لم تفقد أغانى شهر الصوم بريقها، بل هى تزداد لمعانا على مر السنين، وما نريد أن نقوله بوضوح أن أبناء الأجيال التالية لطلب وكارم وعبد العزيز محمود، والثلاثى، لم يقصروا فى نقل احساسهم بالشهر الكريم، وربما اصبحت اغانيهم من الكلاسيكيات ايضا فى زمن ما قادم!
رمضان جانا وفرحنا به/ بعد غيابه وبقاله زمان
غنوا وقولوا شهر بطوله/ غنوا وقولوا اهلا رمضان
رمضان جانا اهلا رمضان/ قولوا معانا اهلا رمضان
بتغيب علينا وتهجرنا وقلوبنا معاك / وفى السنة مرة تزورنا وبنستناك
من امتى واحنا بنحسبلك ونوضبلك ونرتبلك/ اهلا رمضان جانا قولوا معانا اهلا رمضان
رمضان جانا اهلا رمضان/ قولوا معانا اهلا رمضان
يوم رؤيتك لما تجينا زى العرسان / نفرح وننصب لك زينة اشكال والوان
فى الدخلة نبقى نطبلك ونهللك اه ونقولك/ اهلا رمضان جانا قولوا معانا اهلا رمضان
رمضان جانا اهلا رمضان/ قولوا معانا اهلا رمضان
يا مسحراتي دوقلنا تحت الشباك/ سمعنا وافضل غنيلنا للفجر معاك
واعملنا هوليلة تلاتين ليلة حلوة جميلة/ اهلا رمضان جانا قولوا معانا اهلا رمضان
رمضان جانا اهلا رمضان / قولوا معانا اهلا رمضان
رمضان جانا وفرحنا به/ بعد غيابه وبقاله زمان
غنوا وقولوا شهر بطوله / غنوا وقولوا اهلا رمضان
رمضان جانا اهلا رمضان/ قولوا معانا اهلا رمضان
ادونا العاده
الله يخليكم / الفانوس طقطق/ الله خليكم / الشمعه خلصت / الله خليكم
هاتوا الفوانيس/ محمد فوزى
هاتو الفوانيس يا ولاد هاتوا الفوانيس.. هانزف عريس يا ولاد
هيكون فرحوا تلاتين ليله هنغني و نعمل هوليله.. و هنشبع من حلوياته
هاتوا الفوانيس يا ولاد هاتوا الفوانيس
كل حبايبه راح يعزمهم متواعدين وياه هيفطرهم و يسحرهم
و الخير جايبه معاه
هنغير ريقنا علي خشاف و الفول راح يتاكل حاف و كنافه و قطايف بيضه
وهتكون سنتكم بيضه و الصايم يديه حسنات
هاتوا الفوانيس يا ولاد / هيكون فرحه تلاتين ليله
من العشا راح تتلم صحابنا و نروح كل مكان و نغني علي نور فوانيسنا اه يا بنت السلطان ويا بخت اللي يصالح صاحبه و يسبق بالخير و يروحله
انشاءالله مايقطعلنا عادة ويدنوا عليكم بسعاده
هاتوا الفوانيس يا ولاد هاتوا الفوانيس هانزف عريس
هيكون فرحه تلاتين ليله و نغني و نشبع من حلوياته
علي صوت الطبله يصحينا ينادينا بحنان قوم صلي علي الهادى نبينا
يالله اصحى يا نعسان يا صايم قوم وحد ربك من غيره يعزك و يحبك
و متنسوش يا ولاد العيد بعده هييجي بلبس جديد و اللي هيصلى هيشوف طلباته / هاتو الفوانيس يا ولاد هاتو الفوانيس
مرحب شهر الصوم / عبد العزيز محمود
مرحب شهر الصوم مرحب لياليك عادت في امان
بعد انتظارنا و شوقنا اليك جيت يا رمضان
مرحب بقدومك يا رمضان و نعيش و نصومك يا رمضان بعد انتظارنا و شوقنا الليك جيت يارمضان
زيك مفيش بين الايام كلك حسانات
بيزيد معاك نور الإسلام فضل و بركات
لياليك محل يا رمضان و يا محلي بهاها
بعد انتظارنا و شوقنا اليك جيت يا رمضان
و الليل العباد فيك فرحانه من صلاه و صيام
حتي العيون فيك سهرانه مش راضيه تنام
ليل ويا نهار يا رمضان و كبار و صغار بعد انتظارنا و شوقنا الليك جيت يا رمضان
محلاهم فيك بعد م نفطر شمع منور
ماسكين فوانيس د فانوس احمر و فانوس اخضر
يرقصوا و يغنوا يا رمضان.. فرحم و اتهنى يا رمضان
بعد انتظارنا و شوقنا اليك جيت يا رمضان
المؤمن يستني هلالك فرحان و سعيد / و تروح و تزيد في جلالك ايام العيد.
فيها خير و اماني و تجينا من تاني يا رمضان بعد انتظارنا و شوقنا الليك جيت يا رمضان / مرحب شهر الصوم مرحب
لياليك عادت في امان بعد انتظارنا و شوقنا اليك جيت يا رمضان
مرحب بقدومك يا رمضان و نعيش و نصونك يا رمضان
ياولاد حارتنا
يا ولاد حارتنا اتلموا اتلموا شوفوا رمضان خفة دمه
بر و تقوي .....مدفع يضرب
طبله تضرب في عز الليل علي حسها الحبايب يتلموا
هاتو الفوانيس بيضه و لمعه وفي كل فانوس ولعوا شمعه
النور هيلم سكتنا و الشر يطلع من بيتنا
و كل مهموم يترك همه
يا ولاد حارتنا
افرحوا يابنات/ ا لثلاثى المرح ( الثلاثى هم الأغزر انتاجا لأغانى رمضان..ومن الظلم اختزال انتاجهم فى اغنية: اهو جه يا ولاد)
افرحوا يا بنات يالا وهيصوا/ رمضان اهو نور فوانيسه
ياحلاوة التين .... الله الله/ والقمر الدين ..... الله الله
واكياس النوقل وقراطيسه ... هيه/ افرحوا يابنات .... هيييييه
هيصوا يابنات .... هييييه
فى المغربيه راح نفطر/ ساعة ادان الله واكبر
ونعلى حسنا ونقول هيه .... هيه هيه/ ونجرى ع البيت نتنطط
وقلوبنا م الفرحه تزقطط/ ونقول لبعضنا رمضان جه .... هيه هيه
فوانيسنا دايماً هاتنور/ ونلف فى الحاره ندور
على الاهالى نهنيهم .... هيه هيه/ وهم يدونا العاده/
ونشترى شمع زيادة/ نولع الفوانيس بيهم .... هيه هيه
بعد الفطار دوغرى نحلى/ بكنافته وقطايفه تملى
وكل يوم افراحنا تزيد/ يفوت علينا اوام يجرى
نقول له لسه عليك بدرى/ يقول دا جاى ورايا العيد
والله بعودة
وصولا الى احدث اغنيات أبناء جيل الوسط ويمثلهم المطرب الفنان ايهاب توفيق: والله بعودة يا رمضان.
ساحة النقاش