اللهم ارحم أمي، وبارك في كل الأمهات، واحفظ بيوتنا من كل مكروه وسوء .. آمين
واحشني ضحكتك يا امه
واحشني الحضن والضمة
واحشني ضحكتك يا امه
ووحشاني
حروف اسمك على لساني
ونفسي انادي وتردي
ويرجع للربيع وردي
وأسمع صوتك الحاني
واحشني فـ وقت فجرية
تصحيني بحنية
تناديلي، وتدعيلي
يا ما احلى دعوتك ليا
يا عايشة فـ قلبي وخيالي
وساكنة فـ نبض وجداني
ووحشاني قوي يا امه
وفاكرة العيلة واللمة
ووحشاني
حروف اسمك على لساني
ونفسي أنادي وتردي
ويرجع للربيع وردي
وأسمع صوتك الحاني
أغنيكي فـ أغنية
يا نبع عطاء وحنية
يفيض بعبيره ع الدنيا
تفيض بدموعي أحزاني
ووحشاني
ونفسي أبوس على إيديكي
وتتحنى بتراب الجنة خطاويكي
ماهي الجنات يا غالية تحت رجليكي
وأنا العاشق سنين الحب فـ عنيكي
ووحشاني
حروف اسمك على لساني
ونفسي أنادي وتردي
ويرجع للربيع وردي
وأسمع صوتك الحاني
وهفضل يا امه اناديكي
واغنيكي فـ ألحاني
