نبض الشاعر
محمد الشهرة
#مولانا #العاشق
وادي عبقر مليان بأغاني
ونقول تاني وسجل يا زمان
نغزل م الحلم أحلى أماني
وأغلى معاني
والشاعر كيف يبقى أناني
أو يبقى كلامه فـ يوم بهتان
نحلم ونكابد ونعاني
ونعبر عن كل الإنسان
بقلم مليان إحساس هادر
بيعبر بيه قلب الشاعر
عن كل الناس
نبض الشاعر ضربة معول أو ضربة فاس
أو طوبة فـ إيد بنا بيبني أو نور نبراس
والفكرة بتلمع فـ حروفه ببريق الماس
نكتب أكتر وأما نعبر بحروف الخير
ونغوص في الفكرة نطلعها من قلب البير
نعطش للحرف كتير تاني
ومهما نعاني
قيمي بتحرصني وحفظاني من كل شيطان
للشعر يبان
وأكتب تاني وتاني وتاني
ولا عمري هتوب
والشعر ده قدري على جبيني دايما مكتوب
