(هذه القصيدة كُتبت من 15سنة بسبب الإنتهاكات لأطفالنا فى فلسطين والآن أنها تحكى عن كل أطفال العرب وما يحدث الآن فى حلب وسوريا فأنصتوا واستمعوا يا حكام العرب لهم))
يا أبويا تسمح معايا
تسمع معايا الحكاية
وتبكى بدال الدمع دم
أخويا باعت رسالة
ويقول لوكنت أصم
بعنيك تشوف المهانة
شعب بحاله اتظلم
من أطفال الحجارة
وصوت جوَّانا انكتم
يا كل مسلم وعربى
أبويا برصاصة انقتل
وسمعت صوته بيصرخ
فداكِ مهما حصل
يا ولدى أبداً لا تبكى
دا إنت ابن البطل
أنا عمرى مامسكت لعبة
مولود.. فى إيدى حجر
بنده وأقول..... يابشر
طفل فى مهده انكسر
جواه الفرح اتحسر
فتحت عينى لقيت
عدو ....ظالم ونار
هجموا علينا الديار
حوالينا كله دمار
قمت أتوضا وصليت
مالناش أى اختيار
أمى وأخويا وأبويا
ماتو ....بإيدغدارليبيا
فلسطين وسوريا صنعاء
بغداد كل بلاد الأحرار
وأنا قاعدوحدى ببكى
حجارتى فى إيدى ماسكها
وخوفى ساكن فى قلبى
ليدخل علىَّ الدار
ونهايتى بعينى شايفها
تايهة جوَّ ا الحصار
لانملك رغيف العيش
ولا مية تطفى النار
وعدوى ظالم مايرحم
دمعة فى عين الصغار
ببعت لكل عربى امتة
هتاخدوا القرار امتة هتقتل
عدوى وهتاخدوا معايا التار
وتقتل بإيدك.... وإ يدى عدو
غرور جبار أطفال كتير معايا
بتحلم بطلعة نهار من أطفال الحجارة
من أرض رجال أحرار
سمعت معايا الحكاية وعرفت
معنى الرسالة:
ازاى يا أبويا أفرح بالعيد
وألبس جديد ..وازاى الزرع
يطرح جوَّا مدافع حديد
عمرى ماهعرف أغنى
وأكون فى الدنيا سعيد
وأخويا لحمى ودمى
برصاصة مات شهيد
برصاصة مات شهيد
(قصيدة رسالة من طفل فلسطينى سورى عراقى يمنى ,,,, لطفل مصرى)
#الشاعرة_رضاعبدالوهاب
