مسمار
مسمار مدقوق فى الحيط
شايل صورتى وانا باضحك
سنين طويلة وهو ف مكانه
وقبلها ياما خد دق على دماغه
قدم ف الشق واكل الصدا اجنابه
صوته يئن ف الضلمة
قالق عليا منامى
اقوم من النوم ابص على اودانى
وعينى مش لاقية حد قدامى
بان عليه العجز ومش قادر
يتحمل حتى الخيط ف بروازى
زهق منى هيطق من ضحكتى
هو ف مكانه
نفسه يغير يوم مكانه
يشوف خلق تانى غير خلقتى
هيطق من اجنابه
لو يعرف طريق المخفر
كان قدم عريضة فى جنابى
صابر ومتحمل لما يجى
يوم ويلزقوا شريطة سودا
على جنابى
يومين او شهرين تلاتة
يشيلوا جنابى
يرتاح هو ويشم نفسه
يقعد يضحك
على جنابى
.......................
من اوارقى القديمة المؤرخة فى
2001
بقلم // جمعه يونس
