كتب - الكابتن محمدُ حمدى
حماده : السلام عليكم،ورحمة الله،وبركاته .
الجميع : وعليكم السلام،ورحمة الله،وبركاته .
مُسعد : أتفضل،ياباشا !
حماده : يزيد فضلك ! مُش ده بردو مركز شباب شُبرا النملة،ولا أنا غلطت فى العنوانِ ؟!
مُسعد : هو ياريس،وأنا الكابتن مُسعد على مُسعد على مُسعد،رئيس مجلس الإدارة،بس إنت مين يا حلاوة ؟!
حماده : أنا الكابتن حماده محمود حماده .
مُسعد : أهلًا،وسهلًا ! أعرفك على الكباتن ؟!
حماده : ياريت،والله !
مُسعد : الكابتن زيزو،مُدرب كُرة القدم،الكابتن رِضا،مُدرب سلة،الكابتن جاكسون،مُدرب كمال الأجسام،الكابتن أنور،مُدرب الكاراتية،وده عم صلاح،العامل،ودى الحاجة توحيدة،اللى ماسكة البوفية .
حماده : تشرفنا يا كباتن،بس أنا شايف بط،ووز،وفراخ فى المركزِ،ومُش شايف أى نشاط رياضى !
مُسعد : زى مَ أنت عارف يا.....،هو إنتَ قولت اسم حضرتك إيه ؟!
حماده : أنا الكابتن حماده محمود حماده،وجى زيارة للمركزِ !
مُسعد : دا إنت تنور،المرتبات هنا ضعيفة ياكابتن حماده،قولنا : نشوف شُغلانة جنب الوظيفة،فمربين طيور،وحيوانات زى مَ إنتَ شايف .
حماده : صحيح أنا شايف معيز،ومواشى كمان،بس إيه المعسل،والجوزة،والسجاير دى ؟!
مُسعد : أهو بنعلى الطاسة،يا أبو الكباتن !
حماده : بس ده مكان لإكتشافِ المواهب فى المنطقةِ،وتحويل المواهب دى لمهاراتِ بالتدريبِ؛للمُساهمةِ فى الرُقى بالشبابِ،والنهوض بالدولةِ رياضيًا...
مُسعد : ها ها ها ها ها ها كلامك عسل يا كابتن؛هو إنتَ مُدرب إيه ؟!
حماده : أنا الوزير،يا مُسعد !
زيزو : يا نهار أسمر،الوزير مرة واحدة ؟!
حماده : أه أنا الوزير مرة واحدة،ونهاركم أسود مُش أسمر؛علشان مفيش عندكم ريحة الضمير !
😄😂😂
