بقلمِ - محمد حمدى
شهريار : ما هى حكايتك الليلة،يا شهرزاد ؟
شهرزاد : حكايتى عَن الصديقِ السوء،يا مولاى .
شهريار : إحكى،يا شهرزاد .
شهرزاد : أمر مولاى . بلغنى أيها الملك السعيد،ذو الرأى الرشيد،أنه حدث زمان فى مملكةِ ساسان،أن هاجر سمعان صديقه مُرجان؛بسببِ أخلاقه اللى مُش تمام.......
شمعدان : هو إنت مخاصم مُرجان،ولا إيه،يا سمعان؟!
سمعان : خِصام للأبدِ،يا شمعدان !
شمعدان : ليه بس يا سمعان؛دا إنتوا أصدقاء مِن خمستاشر عام؟!
سمعان : أخلاقه مُش تمام،وبينقل الكلام،ووقاع،ووسخ وبتاع نسوان.....
شمعدان : أنا قولتلك الكلام ده زمان !
سمعان : يا ريتنى،كُنت سمعت الكلام !
شمعدان :وإيه كمان ؟
سمعان :والمُشكلة الكبيرة،أنه بيتحرشِ بالبناتِ على الفيس بوك كمان !
شمعدان : هو مُش مكفية النسوان ؟!
سمعان : دا أوسخ مِن وسخِ الودان؛دا أنا معرفتش،وساخته غير مِن عامِ !
شمعدان : الحمدلله؛أنك عرفته على حقيقتِه،يا سمعان !
سمعان : كان صديق سوء،وراح !
شهرزاد : وتعلم سمعان الدرس مِن الزمانَ،وصار ينصح أحبابه فى مملكةِ ساسان بضرورةِ إختيار الصديق الصالح،والبُعد عَن الطالحِ؛لكى تكونَ الحياةُ تمام .
شهريار : إحنا خدنا أيام الدراسة دروس عَن الصداقةِ،وأهلنا كانوا بيحذرونا مِن الصديقِ السوء كمان .
شهرزاد : الفلاسفة قالوا زمان : الصديق قبل الطريقِ .
شهريار : جزاء سمعان أنه مُش بيسمعِ الكلام؛كان إستفاد مِن دروسِ المدرسة عَن الصداقةِ،بدل دروس الزمان .
شهرزاد : هو ده حال البعض،يا مولاى .
الديك : كوكووووووووووووووووك .
شهرزاد : الديك صاح،والفجر لاح؛إلى الغدِ إذًا،يا مولاى .
شهريار : إلى الغد،يا شهرزاد .
👍