كتب -الكابتن محمد حمدى
رياض المنفلوطى : هى المُباراة خُلصت كام،يا أدهم ؟
أدهم : 2-1،يافندم !
رياض المنفلوطى : 2-1 لينا ؟
أدهم : لسبورتنج كاسل !
رياض المنفلوطى : إزاى يا أدهم؛دا أنا علمت أن محمد مسعود جاب جول فى الدقيقة العاشرة،وكُنت فرحان؛لدرجة أن شفتى رجعت لوضعها الطبيعى مِن غير حُقنة ؟!
أدهم : جه فينا جولين فى دقيقة واحدة،يافندم !
رياض المنفلوطى : جولين فى دقيقة واحدة،ياأدهم ؟!
أدهم : أه فى دقيقة واحدة،يافندم !
رياض المنفلوطى : هى سبورتنج كاسل هى اللى كانت بتسنتر بعد مَا جه فينا الهدف الأول،ولا إيه ؟!
أدهم : الكورة إتخطفت مِننا بعد مَا سنترنا،وجابوا الهدف التانى !
رياض المنفلوطى : كُنت إعمل محضر،ياأدهم،ونزلها فى صفحة الحوادث،تحت خبر بيقول : خرجت ولم تعُد !
أدهم : أنا حاسس أن فيه حاجة غَلط،يا فندم !
رياض المنفلوطى : أنا شامم ريحة معفنة !
أدهم : ريحة شرابى أصل أنا لابسه مِن 3أيام !
رياض المنفلوطى : فيه صوابع بتلعب السنادى فى النادى !
أدهم : دا فى كُرة القدم بس !
رياض المنفلوطى : الكورة فى دِسوق السنادى بتحطم أرقام قياسية،وإنجازات بس مِن ورا يا أدهم !
أدهم : عندك حق،يافندم؛جولين فى دقيقة واحدة،ومركزالشباب جه فيه جول فى ماتش مركزشباب قلين فى أول عشرثوانى !
رياض المنفلوطى : وبقينا فى أخر الجداول طبعًا !
أدهم : بس بصراحة الماتش بتاع النهاردة ضاع مِننا؛بسبب إستهتار اللاعيبه،ومُش غلطة الجهاز الفنى !
رياض المنفلوطى : مِن النهاردة فيه خصومات فورية على كُل لاعب مُستهتر،مش عارف قيمة التى شيرت اللى لابسه !
أدهم : حاضر سعادتك !
رياض المنفلوطى : ويتوقف كام ماتش؛بحسب ما يقرر الجهاز الفنى !
أدهم : حاضر يا فندم !
رياض المنفلوطى : إبعت الدكتور بُسرعة؛علشان شفتى لازقت فى مناخيرى ومش عارف أتنفس،يا أدهم !
أدهم : مليار سلامة عليك سعادتك !
( ملحوظة : لقد كتبت تلك القصة،ونشرتها على الإنترنت،يوم السبت الموافق 15 فبراير مِن عام 2020م )
😌 ⚽️