حمدان : الحاج حسين أشترى كيلو لحمة ، وكيلو رز ، يا أهل البلد !
حوده : مبروك ، يا حاج حسين ؛ عُقبال الباقى !
الحاج حسين : فى عُمرك إن شاء الله ، يا حوده !
حمدى : مبروك ، يا حاج ، وعقبال السمك.......
الحاج حسين : قريب بإذن الله ، يا حمدى !
حنان : لوووووولوووووولى ، مبروك ، يا حاج حسين !
الحاج حسين : الله يبارك فيكى ، يا حنان !
حنان : تبقى خلى الحاجة تفتح الشباك ؛ علشان نشم !
الحاج حسين : مِن عنيا ، يا حنان !
حموده : الشارع النهارده هيشم ريحة اللحمة ، يا جدعان !
حنفى : اللحمة بقت بتنشم هاهاهاها ؛ والله لسه ياما هنشوف !
الحاج حسين : هأخلى مراتى تفتح الشبابيك ؛ علشان الشارع كُله يشم ريحة اللحمة .
حمدى : كتر خيرك ، يا حاج !
حوده : ربنا يكتر مِن أمثالك ، يا حاج !
