كلاكيت : المجلس إتحل ، تانى مرة .
ك - أحمد : المجلس إتحل !
عبده : المجلس اتوقف !
ك - أحمد : إتحل !
عبده : اتوقف !
ك - أحمد : مِن الإهمال ، إتحل !
عبده : إتوقف !
ك - أحمد : مِن الإهمال ، والفساد ؛ إتحل !
عبده : إنت مين ، إنت ؛ علشان تقول : "المجلس إتحل " ؟!
ك - أحمد : أنا حد بيحب النادى ،والمركز ، وملهوش مصلحة !
عبده : طب خليك ، فى مركز التنمية الشبابية ، اللى مجلسه إتحل مِن أول سنة !
ك - أحمد : الكابتن عباس الضو قالهم : "لأ" ، وأنا بأقول : "لأ" !
عبده : إخرس بقى !
ك - أحمد : أنا قولتلهم كتير : "لأ"
عبده : إنت عاوز إيه ؟!
ك - أحمد : عاوز أيس كريم ، متلج !
عبده : عاوزه ،بالشوكولاتة ، ولا بالكريمة ؟!
ك - أحمد : عاوزه ، بالشوكولاتة !
عبده : خلاص تعالى إتنيل إلعب ، وملكشى دعوة بحاجة !
ك - أحمد : هأفضل أقول للإهمال ، والفساد : "لأ" !
عبده : طب هات الأيس كريم !
ك - أحمد : ما تجبلك واحد !
عبده : هات الأيس كريم بقولك !
ك- أحمد : محدش واخد الأيس كريم مِنى ، وهأفضل أقول : "لأ"
عبده : طب خد طبق البليلة ، وهات الأيس كريم .
ك - أحمد : بليلة لأ !
عبده : البليلة سخنة !
ك - أحمد : سُخن بعد ساقع لأ !
المخرج : stop ! هايل ! هاهاهاها ها
عبده : هاهاهاها أنا إيدى وجعتنى مِن الضرب بالعصا على الهوا !
أ - أحمد : هو إنت عاوز العصا تنزل على ضهرى هاهاهاهاها ؟!
عبده : على فكرة تقريبًا 60 % مِن مُنشأت المملكة مجالسها عاوزة تتحل !
أ - أحمد : مملكة ساسان ، مشهورة بالإهمال ، والفساد هاهاهاها !
عبده : بس إحنا بنعمل اللى علينا، و بنبدأ ببلدنا !
أ - أحمد : لو كل واحد بدأ ببلده ، المملكة هتنضف مِن الإهمال ، والفساد !
عبده : صعب الإهمال ، والفساد ، يطلعوا مِن مملكة ساسان هاهاهاهاها !
أ - أحمد : صعب ليه ؟!
عبده : الفساد ، والإهمال ، طبع فى الكثير مِن الرعية !
أ - أحمد : عندك حق ، والله ؛ طالما المدخلات فاسدة ؛ فالمخرجات فاسدة !
المُنتج : حسابكم عندى عسير !
المخرج : هاهاها هاها عصير ، مُش عسير !
المُنتج : الرقابة هتمنع الفيلم ، هأخسر فلوسى !
المؤلف : إطمن ؛ أنا عامل حسابى كويس ، والفيلم بإذن الله مُش هيتمنع ، وهيكسر الدنيا !
المُنتج : ربنا يستر !
(ملحوظة : تاريخ كتابة تلك القصة القصيرة ، ونشرها على الإنترنت صباح السبت الموافق 12أغسطس 2023 م
)
