مسعود : إنتى طبخة إيه على الغدا،يا لينا ؟!
لينا : عَدس .
مسعود : عَدس ؟!
لينا : أه عدس .
مسعود : الله على العدس ، وجمال العدس !
لينا : عَدس حُبنا !
مسعود : العدس كُله بروتين ياروحى؛يالا بسرعة هاتى العدس ؛علشان أنا عصافير بطنى بتصوصو !
لينا : مِن عينيا يا مسعود .
مسعود : وهاتى معاكى ،بصل ،وليمون، يا حياتى .
لينا : جبتلك العدس يا مسعود،وثوانى و هأجيب البصل ،والليمون،والبيض؛علشان تهيص بروتينات ،وفيتامينات،وأملاح معدنية، يا روحى !
مسعود : الله على العدس ، وجماله !
لينا : الأكلة دى فيها بروتينات أكتر مِن اللى فى اللحمة !
مسعود : علشان الصحة تبقى تمام ، لازم نِقلل مِن الفِراخ ،واللحمة ،ونكتر مِن البقوليات،والخضروات ،والفاكهة .
لينا : العَدس فيه بروتين أكتر مِن اللحمة !
مسعود : يوم واحد فى الإسبوع فراخ ، ويوم سمك ، وباقى الأيام بقوليات ، وخُضار،وخضروات ،وفاكهة .
لينا : ويا سلام، لو نصوم يوم فى الإسبوع، يا مسعود !
مسعود : الصيام عليه أجر وثواب كبير،وكمان بيخلى الصحة تمام !
لينا : ونِقلل مِن الأغذية الصِناعية اللى زى اللانشون ،والشبسى.......
مسعود : تمام ؛ لأن أهم حاجة الصحة !
لينا : صحتك هية اللى تسندك !
