الحواريين

**********

الشمس جاية تفتّح الشبابيك
حوارى
والبيوت واقفة بتمسك بعضها
فى وش الموت
لما تكون لقمة عيشنا 
ا مرهونة بحريتنا 
ما تلزمنيش
قالوا الحواريين خلاص
مات السكوت
وقوم يا شعب اصلب شعيب
أصحاب الأيكة 
ما اتعلموش
يا أهل مدين
ما تخافوش
وشوفوا شيع الأولين
لا يهتدون 
أو سـُ كـِّرت أبصاركم ؟
تباً لكم
ولا انتو فاكرين ان فرعون
كان إله ؟
لا يسأل ...وأنتم تـُسـألون ؟
يا ولاد وطن 
مخلوق أمين
الحق فين ؟ العدل فين ؟
ما عادشى فينا حد آمن
كلنا ....مستهدفين
إلا اللى آمن بالطاغوت
أهو دة اللى آمن ...منهم
آمن ..بهم
آمن ...لهم
آمن بسحر السحرة
خرافات 
شعوذة
واخد طريقه 
لسة ماشى فى الحذا
يعبد تماثيل من خشب
يسجد لعجل من الدهب
تنفخ فى دبره تسمع 
الألحان ...عجب
أنفخ كمان ..يا ابو لهب
أبو جهل حاضن رقاصات
ماسكين صاجات
والرقص على عضم ورفات
وام جميل ...شايلة الحطب
واحنا اللى لسة 
بنعصر الحصرم ...دوا 
وسايبين التعالب عمالة ترعى 
فى العنب
تبت أياديكم وتب
من كان فى الركب الأخير
باع الرجولة والبلد
ترك الصفوف الأولى 
والعهد الأحد
ركـِّـِب ذَنـَب
لما طلع له تحت مناخيره
ذنـَـب
حـَلـَــق الشنب
يا شعب ..عـَـلــّى صرختك
دور على حريتك
عمرك ما هتحس بشبع
إلا اما حسيت بالأمان
وتكون صحيح
إنسان 
عارف تفـَرّق
بين عصير الأدمغة
وعصير ... عـنـــب
............
بـــقـــــــلـــــــــم ا لــــشــــــــا عــــــــــــر
ا بـــــــــــو عـــمــــــــــا ر ا لــــمـــــصــــــــــــــر ى

التعليقات