يا تري مخبيلي ايه يا زمن
ياريت اللي جاي ما يشبهش اللي فات
وترضي عليا وكفاية يا زمن
ياتري هقدر أقول لي
كل سنة وأنا طيب
ولا برضه التهنئة ليها تمن
اعذرني اتعودت علي غدرك
وانا نفسي عندك ماليش تمن
*****
اديني أهه حضرت الشمع والتورتة
والذكري وخيالات الماضي
أصل أنا مش هيشاركني
في احتفالي غير ذكرياتي
خيالات عبيطة قايمة من قبرها
قايمة وشايلة ترابها ورفاتي
ماهو كل شئ مات من زمان
ومش فاضل ليها بجد غير وفاتي
وما تستعجلش أهي جاية جاية
جاية وشايلة هدية
هديتها ليا دموعي وذكرياتي
وبوسة علي جبيني
وبإيدها تمسح من عيوني دموعي
يمكن تهدي آهاتي
أهات من الألم علي كل حلو ضاع
عشان استحمل الأتي
******
النهاردة هحتفل بوجودي
مع شموعي ودموعي وحدي مع ذكرياتي
والموسيقي هتعزف أجمل أغنية
أغنية ( جنات ) وتفكرني بآهاتي
( أسمع كلامي وصدقه )
مجرد كلمات قالتها ( جنات )
بس برضه هحتفل بذكرياتي
وهطفي شمع للسنة اللي راحت
ويمكن الجديدة تيجي بأجمل أمنياتي
هاحتفل ومعايا روح بقيت
بعد اللي
رحلواوسابولي دموعي وآهاتي
وضحكتي تمسح دمعتي وتقول لي
يمكن اللي جاي مش زي اللي فات
ياللا نطفي الشمع ياللا
وكل سنة وأنا طيب
ياللا وانسي اللي فات
******
عماد المأمور
أعجبنيتعليقأنت والشاعر حسن وOsama Sayed و2 آخرين معجبون بهذا.
التعليقات
امل الغد عجزت حروفي ان توفيك حقك وتفي ابداعك الذي يتلألأ في سماء الابداع
لن اقول الا انك ممالك الابداع انت على عرشها ملك
بجمال نبضك وخيال فكرك
عقد من السحر يكتمل وكل سنه وانت بخير
وسعاده وتتحقق فيها كل الامنيات
وفيها تبقى نبراسا وقلم متالق ومبدع في عالم الابداع
ودمت بود وكل سته وانت طيب استاذعماد المأمور
أعجبني · رد · 1 · 21 ديسمبر، الساعة 09:17 مساءً
عماد المأمور اشكرك من كل قلبي علي المجاملة اللطيفة استاذة : امل الغدأعجبني · رد · 1 · 21 ديسمبر، الساعة 10:24 مساءًامل الغد
أعجبني · رد · 1 · 20 ساعة
Abdelazeim Alahwal كل سنة وانتأحلى مما كنت
أجمل مما أنت...عرض المزيدأعجبني · رد · 20 ساعة
عماد المأمور ربنا يخليك استاذ Abdelazeim Alahwal وانت طيب وبالصحة والسلامة
