(( رساله ))
فى القـُرآن دستور لحياتنا 
مـِنـّه العـِزّه وفيه النور...
هـُوّ ياشاطر أصل لـُغتنا
ذرّه ف حـَرفه تغـَطـِّى بحور...
....................................
تـِوزِّن أرضى وأرض عوالم
من أنوارها الكون معمور...
وانت ياعابد أرض الدنيا
ليه على نور الحـَقّ تثور...
...................................
ألافلاك من صـُنع الخالق
كـُلـُّه بقوّة أمره يدور...
والسموات مرفوعه بأمره
والقرآن فيه الدستور...
..................................
منّه الحكمه ومنّه القوّه
منّه العـِلم ومنّه النور ...
فيه الشرح وفيه الرحمه
للأزمان ولأى دهور...

.................................
كـُلّ علوم الدنيا بحالها
زىّ النـُقطه ف قلب بحور...
ياابنى جدودك حـَكموا العالم
بقانون عدل ومن غير زور...
.....................................
خدوا من نوره ف قلب حياتهم
حـَكموا البرّ وعـَدُّوا بحور....
خـَضعت ليهم مــَيــِّة بحره
مشيوا عليها ياواد بالدور...
....................................
وانت ياواد من نسل جدودك
حتّى ان كنت ف قلب فجور...
عندك قـُوّه تهزّ عوالم
ليه تستبدلها بقشور...
..................................
بــِعت الصـَرح العالى ياواطى
بعت الصـَرح ياواد بقصور...
ف القـُرآن دستور لحياتك
ليه انت بتبعـــــــــــــــــــــد
ليه فى فتــــــــــــــــــــــــور...
....................................
إمتى هترجع تانى لعقلك
قبل ماتـُسكن جــُوّه قـُبور...
إلحق نفسك وارجع تانى
وانشر عدل ورُشّ بذور...
....................................

لاجل ماترجع تانى العــِزّه 
بدل الضَعف وبدل الزور.....
إلحق نفسك ياللا ياصاحب
قبل ماتـُسكن جــُوّه قبور...
.....................................
الشاعر// يحيي المصرى
14/12/2015

 

أعجبنيتعليقأنت و‏‎Abdelazeim Alahwal‎‏ و‏محمد عبدالرزاق اللهيبي‏ معجبون بهذا.

التعليقات

Abdelazeim Alahwal أهزوجة تربوية جميلة ورائعة على بحر المتدارك الراقص تفيض سحرا
كعادتك مبدع دائما أخى يحيى المصرىأعجبني · رد · 10 ساعةيحيي المصرى صباح الخير عبد العظيم تحياتىأعجبني · رد · 1 · 10 ساعةامل الغد ما بوحك....وهمسك... إلا كخرير ماء ينصب 
ولا ينضب..... شذى عطرك الفواح ملأ المكان والزمان....... حرفك راقي كرقيك انت 
وكلمتك..... جذابه...... تجذب المارين من هنا ...عرض المزيدأعجبني · رد · 42 دقيقة