...................................
(1)
أنا إدارى الدرجه الأولى ...
وبإمضه بتوصل لى عـُموله ...
يجى صاحبنا قوام ويقول لى ...
فى السجن .خـُد لك قـَيلوله ...
.....................................
يبقى بلاها من الإسلام ...
هيقول لك تشريع أحكام...
مالها الدنيا جناين حلوه ...
منصب صـَحّ وصـُحبه لئام ...
....................................
(2)
وانا رقـّاصه من الكباريه ...
باحيــى غرايز سيدنا البيه ...
بعد الرقص بااقـَضـِّى ليالى ...
فيها الرقصه بألف جنيه ...
...................................
يجى صاحبنا قوام ويقول لى ...
جلد ورجم يابنت الإيه ...
يبقى بلاها من الإسلام ...
هيقول لك تشريع أحكام...
مالها الدنيا جناين حلوه ...
وفكر الغرب ف بلدى كمان...
....................................
3 ـ
وانا فـَنـّانة مفسديون ...
بلسان جامد زىّ الهون ...
أصلى بحب الشعر مسبسب
والدبّوس على صدرى يكون ...
...................................
والأحمر .مليان فى خدودى ...
وبابـَيـِّـــن للشاشه ورودى ...
يجى صاحبنا قوام ويقول لى ...
لحجابك .ع الفـَور تعودى ...
يبقى ازّاى هااضحك ع الشاشه..؟
مين فيهم .هايحـِسّ وجودى ...
يبقى بلاها من الإسلام ...
هيقول لك تشريع أحكام ...
مالها الدنيا جناين حلوه ...
كذب وهجــص ورقص كمان ...
......................................
(4)
وانا من أول الابتدائيه...
إتعودت على المرابيه...
كل الناس تاخد فى فلوسى ...
جنب فوايد مـِيـّه المـِيـّه ...
واللى هايجى ف يوم ماهايدفع ...
حجزه وسجنه والعبوديه ...
حـَتـَّى ان كان وهياكـُل بيه ...
أو هيعالج منــُّه عينيه ...
إنت عالجت ياواد بفلوسى ...
يبقى ترَجــَّع لى النقديه ...
يجى صاحبنا قوام ويقول لى ...
سيبك من كل المرابيه ...
يبقى بلاها من الإسلام ..
هايقول لك تشريع أحكام...
مالها الدنيا جناين حلوه ...
وأحلى مكاسب فى الأيام ...
...............................
(5)
وانا ظابط قاعد متقـَمـَّع ...
فى كمينى .مجدوع وملـَمـَّع ...
رجـّا لتى أهى قـُدَّام عينى ...
فى رُخصهم تاخد وتجــَمــَّع ...
دى متانه ...ودى ناقصه طاقيـّه ...
وهسيبك ..بس ادفع مـِيــَّه ...
لـَمــِّينا يجى ميت عربيه ...
صـَباحيّه ..أو كان مـَسائيه ...
يــجى صاحبنا قوام ويقول لى ...
ف زنزانتك سنتين ورديه ...
يبقى بلاها من الإسلام ...
هايقول لك تشريع أحكام ...
مالها الدنيا جناين حلوه ...
وسـَلــِّك نفسك تمشى قوام ...
..................................
أمثلتى .من بعض جنودى ...
أنا باطل بااوفى بوعودى ...
فى الدنيا .وف أرض الدنيا ...
أمـَّا الآخره ..بــَرّه حدودى ...
شـُفت ازّاى اننا عايشين ...
يبقى كلامك ويـّا سلامك ...
ويـَّا أمانك .مش عايزين ..؟
..................................
قصيده واقعيه 
للشاعر /يحيي المصرى
5/12/2015
11,30 مساءًأعجبنيتعليقيعجبك هذا.

التعليقات

امل الغد ماذا نقول فى كلمات منبعها القلب الرقيق نشعر بها و نحس معانيها فترق قلوبنا لقلبك السعاده و لروحك السلام00 شاعر الكلمه الصادقه والعاطفه الجميله للبلد ابن النيل الاصيل يسلم يراعك استاذ يحيى المصريأعجبني · رد · ساعة واحدة