صبري عباره52 دقيقة

.... وقال أيه مسافر

سايح فى بلاد الغربه
ما بين بعدى عن أهلى وأحزانى
افوق لنفسى وافتكر 
إنى عايش من وقت للتانى
أقلب فى صورى مع صحبتى
وأبكى شوقى لأرضى وخلانى
أعد فى الأيام ما تتعدش
وكل يوم ارجع أعد من تانى
واسمع كلام كتير يزعلنى
على أيه بس الناس حسدانى
على وحدتى وغربتى القاسيه
ولا على بعدى وحرمانى
ضايع ما بين خوفى من بكره
ولا قسمتى اللى للحظ وخدانى
ياترى هوصل بمركبى للبر
ولا الموجه عاليه والبحر شرانى
يا سلام يا بلدى لو تساعينى
وانتى خيرك كتير بس نسيانى
خيرك لناس مش محتاجه
وأنا الحاجه نايمه فى أحضانى

أعجبنيتعليقيعجبك هذا.

التعليقات

امل الغد كلمات تتلالاء في سماء الابداع وروح العطاء 
قلم ينحني له كل الاقلام همسات 
ينصت لها القمر
و يتثرد أمامها الزهر..
لاروحكم حدائق الياسمين
أنفاس الحنين لعبق الابداع يسلم بوحك رغم ان الحزن 
يسكنه لكن الابداع من الحزن الشفيف يزيدك تالق فوق الابداع 
يسلم بوحك الشفيف ايها الراقي استاذ صبري عبارهأعجبني · رد · الآن