رضا ابو حسين‏16‏ ساعة

انت وانا

تلاتين سنه...
ياقلب محروم م الهنا
عمرك مادقت ف يوم حنان
ولا ليل سهرته ف الجوى
كل اللي انت عرفتهم
مجاريح ومش لاقيين دوا
ومهما كان ايه العدد
مش محسوبين اهل الهوى

شوف كام سنه... ومازلت انا
باشرب مرار
طفحان ضنى
عايش بادعبس
وسط كراكيب السنين
على يوم هنا
اااااه يااااانا
كات شغلتي شيال حمول
دلوقت ضهري اهو اتحنى
غرقان لشوشتي ف الهموم
واهاتي الحان .... للغنا

(تبت يداي فإنني
مازلت ابحث 
بين أروقة الزمن
عمن أنا )

تلاتيييين سنه
لسايا برضه مش عارفني
مين انا
عايش كأني مش هنا
قلبي اللي كان 
زي استراحه للحريم
عمره ماداق طعم الهنا
وكل واحده بتعرفه ... 
تستنزفه
وتسيبوا دقاته بسواد ..
متلونه
اهين ياقلبي ويا انا
عمرك ماكانلك ف اللبط
طب ايه رماك ف المطحنه
اياك تفكر ان بكره 
هايكون خلاص
يوم المنى
ماتفوق بقا
ياجته واخده ع الشقا
مكتوب علينا الشحططه
ومحرومين من اللقا
انت وانا
انت وانا
شوف كام سنه

رضا ابو حسين

أعجبنيتعليقأنت و ‏‎Abdelazeim Alahwal‎‏ معجبان بهذا.

التعليقات

الشاعر محمد ابو طبنجه جميلأعجبني · رد · 1 · 16 ساعةامل الغد على أيقآعِ حروفك تبدأ طقوسُ آلجمآلِ و سحرهِ .. ل روحك مـنْ آلزهورِ بستآنْ و مـنْآلعطورِ لحـنٌ جميل ويسلم يراعك ايها المتالق في سماء الابداع ابو حسين استاذ رضا الغاليمشلننمأعجبني · رد · 2 · 15 ساعةAbdelazeim Alahwal تلاتين سنة ؟
هى السنة ف عمر الجراح
بتعدى فيها كام سنة ؟

صباح الرضا ياعم رضاأعجبني · رد · 1 · 9 ساعةرضا ابو حسين استاذي الشاعر محمد ابوطبنجه مرورك اجمل واروع تحياتي لحضرتكأعجبني · رد · 1 · 2 ساعةرضا ابو حسين الراقيه دائما امل الغد دائما حروف تعليقك تمنح الامل تحياتي وتقديري لحضرتكإلغاء إعجابي · رد · 2 · 2 ساعةرضا ابو حسين استاذي Abdelazeim Alahwal 
مالهوش عدد
عمر السنه ف عمر الجراح
مالهوش عدد
ولو هاتبكي ع اللي راح
دمعك مدد
لقد ولدنا للشقاء كإننا
زيادة عدد

تحباتي وتقديري استاذي الجميلأعجبني · رد · 1 · 2 ساعةامل الغدأعجبني · رد · 9 دقيقةاكتب تعليقاً...