وتمشي في حارتنا تحس بامان
وعمك مجاهد..بيصحي يناهد
مع ابنه محمد وبنته هيام
عشان الدراسة..وينزل بطاسة
يجيب الفطار ويرجع ينام
ومجدي المنجد..بيرزع ويهبد
يخيط مراتب ويعمل لحاف
وحبة عيال..معاهم حبال
ورابطنلي قطة بتشكي الجفاف
وبياع طماطم..ينادي ياهانم
نقاوه بمزاجك وشوفي الميزان
ومية غسيل...تنقط بسيل
تصوت عواطف ف وش الجيران
وكسر ياباشا..بنعمل نقاشة
في شقة جارتنا مدام اعتدال
وكشري العدالة..يجيبلك كمالة
وشطة ودقة تموت يا خال
وطرب وكفتة..ماتديني حتة
ومخمخ ونقنق ف ربع الكباب
وعربيه راكنه..وهيصة وحنة
ودوقوا المزاهر ورقص الشباب
حكايه حارتنا..بترسم صورتنا
تقول البلد دي مالهاش مثيل
ولا برج بيزا..ولا اغلي فيزا
كفاية عليا ف حضنك يانيل
احمد الصارمأعجبنيتعليقأنت و ‏عبدالحميد ابو هشام‏ معجبان بهذا.

التعليقات

عبدالحميد ابو هشام الله على جمال الكلمات الراقيهأعجبني · رد · 1 · 4 ساعةاحمد الصارم ربنا يبارك في حضرتك ياربأعجبني · رد · 4 ساعةكتابة رد...
امل الغد كماء البحر كلماتك تطهر النفس وتنقى القلب .. وتسعدنى مشاعرك وإحساسك الجميل الراقى شاعرنا الرائع وانت تصور الكلمات باارق واجمل صور ابن البلد الاصيل والكلمه الصادقه والحرف المطواع ودهاليز الابداع سطرت فااجزلت يسلم يراعك استاذ احمد الصارمأعجبني · رد · 1 · 22 دقيقةاحمد الصارم طيب ارد اقول ايه ...بعجز بجد امام كلمات حضرتك يافندم...بارك الله في حضرتكإلغاء إعجابي · رد · 1 · 22 دقيقةامل الغد هو اللي بيسطر اعذف وارق الكلمات ترى هل يعجز لسانه عن البوح ولو كان بسيطا ولكن ميزة التواضع من غلبت على ردك وهذه صفت الشاعر المبدع ومن تواضع لله درجه رفعه الله درجات وكلامك ده اكبر رد يسلم احساسك استاذ احمدأعجبني · رد · 1 · 5 دقيقةاحمد الصارم سلمتي يافندم وسلم كلامك ولسانك وبدنك من كل سوء ...بارك الله في حضرتك دائما ابداإلغاء إعجابي · رد · 1 · 4 دقيقة