بلياتشو يتنطط
تسمع بقيت الحكاية
ولا هتتعفرت...!!
.....................
عبي الفساد ف زكايب
والسر (علي بابا)
الخير كتير يا (جحا)
والنفس غلابة...!!
عندك ضمير مطحون
بالكدب والخلطة
والف مليون (ديب)
مستني ع غلطة
حق الفقير متشال
ف الحفظ والصون
بس الفقير لو نطق
يطلعله (شمشون)...!!
يهرس عضام اللي جابه
يا م اكتر التوابيت
من خاف سلم ياسيدي
انا همشي جوا الحيط
والمشي جوا الحيط
خلا القلوب تتدبل
تدمن علي الفتافيت
وبالرخيص تقبل
في روما عاش ال(نيرون)
والكل كان عارفه
يقتل ويسجن يوووووه
ولا حد بيخالفه
شد الرحال بخياله
نأحت عليه(الانا)...!!
يحرق بلاد الرومان
علشان يعيد البنا...!!
حرق المهيطل روما
موت الاف البشر
صعبت نفسه عليه
بعديها قام انتحر...!!
يبقي الغلط علي مين
ع اللي حرق (روما)
ولا اللي ساب مجنون
وراح عليه نومه...!!
احمد الصارمأعجبنيتعليقيعجبك هذا.

التعليقات

امل الغد مهما حاولت افك طلاسيم حرفك لكن حبري عجز ويكفي انك اروع وابهى حروف انت رميتها خارج مدارك وسقطت في نقطة صحيحة جدااااااااااااااااااااااااااااااايسلم يراعك استاذ احمد الصارمأعجبني · رد · 1 · الآن