اي خطوة تقوم تبص
لما تسمع فيها مثلا
ان نيلة طلعله حس...!!
لما تتمرمط وتشقي
والامل جواك يخس
لما تبقي السَلَطة حلم
والخيار بإتنين ونص
لما تسمع ف الخناقة
مية لسان عمال يرص
لما تتشعبط ف زحمة
عادي جدا خدها كورس
لما تاخد من علامها
الخصوصي اللي اسمه درس
لما يبقي الدين ده حصة
والاساسي هزار وهلس
لما يجي تلاته منه
والماهية كنس كنس
لما تدفع الضرايب
وانت حاطط جزمة بنص
لما صوتك يبقي عورة
اما ف الانتخاب ده ورث...!!
لما تتحايل عليك
تبقي ساكت يعني هس
تطلع الاهه ف زورك
اتلهي الفين لا بأس
البلاوي كتيرة ياما
والصوابع تحت ضرس
واختشينا قالوا شوفوا
وابتدوا ف الهرس هرس
يبقي هي...
زي غيرها...بتفتكرها
لما تيجي السيرة بس....!!
احمد الصارمأعجبني تعليقيعجبك هذا.
التعليقات
امل الغد الله الله.... الله ع احساسك المرهف ومشاعرك الراقيه.... كرقي شخصك يا مبدع.... تخجل الكلمات والحروف والمعاني..... منك
خوفا أن لا توفيك حقك لأجل هذا الابداع والرقي والجمال.... الذي يقطر من بين اناملك....
دام عزك وقلمك ونبض قلبك وروحك... ابدعت استاذ احمد الصارم
أعجبني · رد · الآن
