....................................
فيك الحـُوت اللى بيتغـَذّى ...
على أجساد البـَنى آدمين ...
فيك القرش اللى بيتكلـّم ...
وبيتحكـّم فى الحلوين ...
...................................
موجك عالى يابحر علينا ...
حاوى يابحر كثير ثعابين ...
فينا اتغـَمم .فينا اتكمم...
م الطامعين والوصوليين ...
..................................
فينا كثير عايش متألـّم ...
مش عارفين نرتاح مع مين ...
والمظلوم خاضع ومسلّم ...
للهمجيه وللطامعين ...
..................................
قـُل لى يابحر الدنيا الواسعه ...
رايح بينا الموج على فين ...
فين العدل يابحر الظـَلـَمه ...
ليه العيشه معاك فى ضنين ...
...................................
إمتى يابحر هنفرح مرّه ...
والقى البسمه على المساكين ...
واللا الغدر يابحر ف طبعك ...
حتّى يابحر ليوم الدين ...
....................................
ليه الفرحه بعيده علينا ...
وطول العـُمر من الباكيين ...
ليه الحـُزن يسود ليالينا ...
حسبـُنا رب ّ وإسمه مـُعـِين ...
.....................................
الشاعر / يحيي المصرى 
11/11/ 2015
11 مساءًأعجبني   تعليقأنت و ‏علوش النداوي‏ معجبان بهذا.

التعليقات

علوش النداويأعجبني · رد · 17 ساعةيحيي المصرى تحياتى علّوشأعجبني · رد · 16 ساعةامل الغد عجز قلمي أن يساير انبهاري بكلماتك التي تفوق الخيال عن وصف تشابك العلاقات بطريقه مبهرة حقا انك مبدع وساحر الكلمات تحياتي لرقي قلمك ايها الراقي ابن النيل الاصبل استاذ يحيى المصري احترامي وتقديريأعجبني · رد · 32 دقيقة