اساتذتي الافاضل واصدقائي الاحباء
اقدم لكم
قصيدة هارسمك
بشكلها الجديد بعد اعادة صياغتها ارجوا ان تنال رضاكم
مفتتح على رأي الشعرا الكبار
اجمل مافي الدنيا حبيبي
اجمل مافي الدنيا دلاله
يبعد بتزيد نار تعذيبي
وان قرب اسهر لجماله
قلت ارسمه واحكيلكم عنه
وانتوا احكموا بين حالى وحاله
هارسمك
الرسم ... وانا بارسم ف صورتك
لقيته . .... ع الورق سارح
ورد الخدود وانا بارسمه
لقيته ع السطور طارح
حتى رمشك صابني لما بارسمه
عشان رسمته .. سهمه جارح
رسمت شعرك ع الورق
وكأنه بحر
بحر إيه ¡¡¡¡
شعرك جدايل من دهب
والبحر مالح
عند القوام حبيت اكون
فنان أوووي
رحت راسم ريم جميل
وسط الفضا ... طاير ورايح
لقيتني شايفك ع الورق
مش زينا
انتي ايه ... انتي مين
هو انتي فعلا م البشر
لا مافتكرش
هو مين اللي يشوف بعنيه ملاك
ولا يتسحرش .....
فمتزعليش ... عشان رسمتك بجناحين
ف السما طايره
ومتزعليش .. لو رسمتك ضحكه رايقه
بس حايره
هارسمك
نقطة ندى على خد ورده ... يااميرتي
هارسمك
واكتب ف صورتك ... هي دي صورة
حبيبتي
هارسم الحب ف ملامحك
. .وارسمك قمره ف ليلتي
هاعشق الصوره ف غيابك
.. واكره البعد اللي طال
بس هارجع وارسمك
.... زي ما انتي
راحة البال بعد حيره
دنيتي الحلوه الجميله
عارفه نفسي ف ايه بجد
انا نفسي اعرف ارسمك
رضا أبوحسين
إعجاب تعليقأنت و علوش النداوي معجبان بهذا.
التعليقات
علوش النداوي
إعجاب · رد · 2 ساعة
امل الغد مقطوعة موسيقية شعرية نثرت حولى أجمل عطور المسااء ..دمت بهذا التالق وانت تنثر الوان ابداعك على لوحتك لتسرق منا النبضات قبل النظرات تسلم ريشة الابداع في ما رسمت استاذ رضا ابو حسين
إعجاب · رد · 3 دقيقة
