عكَب باچر أجه وما جيت انته !؟
واسهر والسهر ريشه أبمهب الريح
وأحس حتى الكَمر عاتبني سكته
وكَلي اشحصلت من عمري ذاك ألفات
إذا نص العمر لجلك سهرته
وإذا بيه الذنب فهمني خل ارتاح
وإذا بيك الذنب رغماً قبلته
يحسدونه شكَثر حسبونه عالعشاكَ
ويكَلولي شكثر من عدنه بكَته
وكَتلهم چذب بس بالاسم محبوب
ومتندم على يوم العرفَته
لأن طبع اليحب معروف عند الناس
صافن والحچي كله ابصفنته
وأنت لا تحن لا مثلي هم تشتاكَ
وقانون العشكَ وحدك عزفته
موهيچ اليحب كَلب اليحب ولهان
ولا كَلب اليحب هم هيچ دكَته
كل ساعة احتركَ طافيني دمع العين
وترجع حضرتك ثاني وشعلته
ومثل عالم صرت بس تخترع أعذار
ولعلمك نعم هسه افتهمته
بستانك حزن منه جنيت اهموم
ماجاني الفرح لايوم ضكَته
كافي بطلت رجعلي كَلبي النوب
مااريد العشكَ ماعندي بخته
وباچر لا تجي ودكَ على الباب
مفتاحك لأن أصلا كسرته
وتتندم علي تحلم تردلي بيوم
وخط رجعه چذب سولفهه نكَته
وازيدك بالشعر بيتين مو بس بيت
البومك للصور بيدي حركَته
ورسمك لو طفل والعين أمه أتصير
من عيني بعد صدكَ فطمته !!
وخسران اعترف والحب تجاره صار
وبايع مشتري كل شي خسرته
بس أبقه القلم وأنت الورق جوّاي
وبكيفي الاريده والشطبته
وبكيفي الاريده والشطبته
**********************
****صباح النداوي ***إعجاب   تعليق‏علوش النداوي‏ و ‏‎Ahmed El-saied‎‏ معجبان بهذا.

التعليقات

علوش النداوي موكافي حزن ياكلبي مامليت؟
مثل دمعة يتيم اليوم حالك
بجيت هوايه حتى الدمع ملاّك
وطلب دمعك كلب ثاني إبدالك
وحقه الدمع لوملّك ومعذور
لأن ماكو كلب وفه بمثالك
شمالك ياكلب صدكت بالناس
وثقت بيهم عليمن شنهو اجالك
عافوك التحبهم وبرخص باعوك
ووفيت بحبك ومحد وفالك
اريدك ياكلب تنسالي الهموم
ولاتعتب بعد اكطع وصالكإعجاب · رد · 1 · ساعة واحدةAhmed El-saiedإعجاب · رد · 1 · 25 دقيقةعلوش النداوي شكرا اخي لابداع في مرورك Ahmed El-saiedإعجاب · رد ·