الى روح المرحومة امى

( سامح ايليا )

(فينك يا امه)

فينك يا غاليه رحت

دانا بأدور عليكى

عشت ياما وانجرحت

من اعز الناس اليكى

اتكويتى بنار الغربه

وانت وسط اهاليكى

ياللى عشت حياة الكربه

ليه تفوتينى بنادى عليكى ؟

فينك يامه مابايناش

يعنى حتى ما قلت ماشى

الا فى كل مره اسأل

اسمع انين يقوللى لا شى

بدمع عينى ياحنينه

ابكى عليكى عمرى كله

ياللى كنت بتداوينا

واحنا كنا عليكى عله

هو هان عليكى بامه

تفارقينى من بعد خله ؟

ياللى علمتينى الحنان

وزرعتى فى قلبى الأمان

مين من بعدك يا غاليه

هايقوللى باين عليك تعبان ؟

مين من بعدك يا امى

راح يقوللى اوعى تبات زعلان ؟

مين من بعدك يا طيبه

راح يطبطب على ضهرى ؟

ويقوللى : ياولدى ربنا يخليك

علطول كسبان وفرحان

الله يرحمك يا امه...

سامح ايليا

إعجاب   تعليق‏‎Frida Abaza‎‏ معجبة بهذا.

التعليقات

Frida Abaza روووووووعة ما خطه قلمك عزيزي دومت بسلامإلغاء إعجابي · رد · 1 · 19 ساعةامل الغد ما اروع هذا القلم الذى ينزف سحرا سلمت يا غالى وربنا يجعل امهاتنا وكل المسلمين من السبعين الفا الذين يدخلون الجنه بغير حساب يسلم يراعك استاذ سامح الراقيإعجاب · رد · 1 · 3 ساعةساويرس ساويرس اشكرك اختى العزيزه بس هم المسلمين بس واللا كل الاموات ههههههههإلغاء إعجابي · رد · 2 · 3 ساعةامل الغد امواتنا جميعا اكيدإلغاء إعجابي · رد · 2 · 3 ساعةساويرس ساويرس اشكرك اصل انا مسيحى هههههههإلغاء إعجابي · رد · 1 · 3 ساعةامل الغد اكدع ناس وصلى الله على نبينا محمد وعلى نبينا عيسى عليه السلامإلغاء إعجابي · رد · 2 · 3 ساعةامل الغد اسفه استاذ سامح بس احنا متعودين على هذا الدعاء مكنش قصدي كده اكيد ربنا يرحم جميع الاموات ويرحمنا معاهم ياااااااااااااااربإلغاء إعجابي · رد · 2 · 3 ساعةساويرس ساويرس ربن يخليكى اختى الغاليهإلغاء إعجابي · رد · 1 · 3 ساعةامل الغدإعجاب · رد · 1 · 3 ساعةاكتب تعليقاً...