موال ( احوال الدنيا )

يا دنيا مالك بس ومالى

حرام يا دنيا سيبينى ف حالى

كفايه اسيه يا دنيا كفايه

كفايه منك ما جرالى

انا طول عمرى وحدانى

وانت اللى دايما واخدانى

وكل ما ابعد عنك ثانيه

الاقيكى جيتى من تانى

طب اروح فين انا يا زمانى

الدنيا تملى ملاحقانى

اضحك واقول ايام وتروح

الاقى جراحى مآلمانى

خلصت صبرى معاكى يا دنيا

فضلت صابر لآخر ثانيه

وانت دايما ظالمانى

وجراحى عندك دى امانى

ولو لقيتينى بضحك مره

تخلى حياتى لون تانى

ليه يا دنيا دانا غلبان

بقالى زمان والله تعبان

بحاول اخرج م اللى انا فيه

موش لاقى معايا ولا انسان

كل المعارف فاتونى

وكإنى من كتر جنونى

الكل بقى يهرب منى

ولا حتى عاوزين يشوفونى

طب قوليلى راح اعمل ايه

وايه علاج اللى انا فيه

رحت لأطبا كتير ياما

ولا حد فيهم علاجى بأيديه

يا دنيا شكوتى منك لله

على مرارى وجرح الآه

هو الواحد وليس سواه

عنده علاجى وافراحى

سامح ايليا

إعجاب   تعليقيعجبك هذا.

التعليقات

علوش النداويإعجاب · رد · 2 ساعةامل الغد الله.... الله ع احساسك المرهف ومشاعرك الراقيه.... كرقي شخصك يا مبدع.... 
تخجل الكلمات والحروف والمعاني..... منك 
خوفا أن لا توفيك حقك لأجل هذا الابداع والرقي والجمال.... الذي يقطر من بين اناملك.... 
دام عزك وقلمك ونبض قلبك وروحك... ابدعت استاذ سامح ايلياإعجاب · رد · الآناكتب تعليقاً...