هو إنت ليه ساكته كده؟؟
ردي عليا إتكلمي
وبتعندي فيا كده
مع إني حافظه معجمي
قافله علي نفسك هنا
وحتي الحلم ما بتحلمي
فوقي بقي وإتكلمي
إبنك مش راح ينحني
إسمعيني وأفهمي
حلمي في يوم راح ينبّني
...................................
عمري ماكنت في يوم جبان
ولا شوفت منك يوم كده
ليه بتحرميني من الآمان ؟؟
مع إني كنت مؤيده
وبتربطيني بالخيطان
وأعيش حياه متنكده
قافله علي باب الحنان
ومشيبانيّ في الصبا
بتمسحي ضحكه زمان
من فوق عيون الأفئده
وبترسمي بقلم ألوان
فرحه ولاد متسرسبه
معجونه بميه في التوهان
ونستينا الأنشده
.............................
ماتردي ياأمي علينا
بكفايه ظلم اللي إعتدي
ولا إنتي غاويه تحرمينا ّ
من طريقنا إللي إبتدي
ولا ناويه تخسرينا
وتقولي دا حكم القضا
إسمعينا وإرحمينا
لسكوتنا خلاص بقي له صدي
سكوتنا خلاص بقي له صدي
.............................................
..................بقلمي /أميره مجدي