آخر سِكتي
مكنتش أستنى منك في آخر سكتي
بالبعد تبعدني عنك وتهجر دنيتي
الناس سألوني عنك انهارت دمعتي
يوم ما ودعتني قلبي م الفراق بكى
من كتر ظلمك ليه استاء واشتكى
مشينا مشوار طويل ما قلنا مستحيل
ولو عطشت أشرب من حبك سلسبيل
ركبنا الموج ، بنينا بروج من الأحلام
بتعلى وتعلى مع الأيام
وكانت الموجة تقولي كلام
تتغنى بيها أحلى الأنغام
والفرحة منك بعد خصام
شفنا منها أحلى الأحلام
الصعب لان لينا
وبالحب لليالينا صارت تهنينا
وكل ما حوالينا
بقى جنة ونور في عنينا
وفي آخر سكتي
مكنتش أستنى منك تهدم فرحتي
وبالبعد تبعدني وإنك تهجر دنيتي
الناس سألوني عنك انهارت دمعتي
كلمات
محمد كامل موسى
إعجاب تعليق
