الأستاذه الشاعره/ أحلام حلمى
تحيه طيبه وبعد ...
أستسمحك فى نشر قصيدتى الخاصه بى والتى كانت ضمن مسابقة أنباء الأمم المتحده والتى لم يتم الرد علينا فيها حتّى الآن ...كى يستمتع بها محبّى الشعر وكلماته .....وما هذا الإستسماح إلا تقديرا ً لشخصك أيتها الشاعره النبيله ...لك ِ تحياتى ( يحيي المصرى )

(أولاد النيل)
حـَقـّك تفرح ستـّه أغسطس ** إنت وشعبك والملاييــــــن.....
طبعك هادى يا إبن بلادى ** زى ّ جمال وصلاح الدين...
............................
شرق وغرب عيونـُه علينا ** ناقص عين الفضائيين.....
جد بجد هاردد إسمك.... قولوا معايا يامصريين.....
........................
إنت ثبتّ لكل العالم ** إن المصرى جندى متين...
بـُكره نحـَوّل بيك الصحـَرا ** لخـُضره وميه مع البساتين....
............................
إفرحى يامـّا يابلدى الحـُرّه ** عندك ياامـّا ولاد حلوين .......
شـَقـُّوا الصحرى ف عـِزّ آلامهم ** تحت رعاية رب ّ مـُعين ......
............................
قادر ربّ الكون يحميهم ** من أطماع الغربيين ....
وان ياريــّس شعب الوادى ** يسلم عقلك م الشياطين ......
...............................
بسّ الشعب المصرى بيسأل ** سينا ياريـّس صحرا هجين .....
ضـَحـّى الجندى المصرى عشانها ** لااجل ما تطهــَر م الثعابين.....
.............................
قال ّلها دمـّى هيرخص ليكى ** مش هنكرر عام ستـّين.....
بـَعدى أخويا هيـُحرس أرضك ** شرق .وغرب .شمال ويمين ......
.............................
إفرح هلل كده ياشهيدنا ** سينا وصـَبـَحت ع الشـَطـّين.....
وانت يانسل صلاح الدين ** ياللى شربت المـُرّ سنين ......
.............................
عـَمـّر ّ خـَضـّرّ أرض الصحرى ** واحـْيـِى مواهب المصريين ......
دمّ الجيش المصرى فداها ** ورَدّ ترابها من الغادرين ......
................................
حـَوّل أرض الصـَحرى مصانع ** بإيدين شعبك والملايين...
فيها الزارع فيها الصانع ** عندك ياامَا الفـَنــِّـــيين..
...............................
وابنى ياريس فيها مـَعاهد ** ندرس علم الدنيا ودين ....
وازرع فيها الأسد المصرى ** لااجل مايـِحمى ترابها سنين....
..........................
إفرحى يامـّا يابلدى الحـُرّه ** بـُكره هـندفع كـُل ّ الدَيـْن ....
مهما ان كان غـِربان حوالينا ** واللا ان كان فى كثير طامعين ......
..........................
عـِزّة مصر ف قلب عروقك ** ماهيقدرش عليك جبلين
واحنا الشعب ف ظهر جيوشك ** حمدى وبـُطرس ويـّا حسين 
بـُكره هنعلى ..وتعلى رايتنا..... وسط رايات الغربيين...
........................
نادى بوحده بين عروبتنا ** يااللى مـَزَجت الشدّه بلـِين
وكفايه هم وغم وفـُرقه ** من تخطيط الوُصوليين
شعب جزائر. تونس ليبيا ** والسعوديه مع البحرين ......
..............................
سوريا وترجع أيـّام ناصر ** بعـَلـَم واحد مش عـَلـّمين......
هـِيـّه وكل الوطن العربى ** ماتسيب واحد لاابن كوهين .....
...............................
مين كان قال الحق هيرضى ** تبقى عروبه بدون جناحين .....
يحمى بلادنا وقوميتنا ** تحت شعارنا ليوم الدين ......
..................................
الشاعر/ يحيي المصرى
1/10/2015
9 مساءً

• يعجبك هذا.

• التعليقات

• • امل الغد كلمااااتك سرقت وخطفت القلوب والابصار لحروفك ولكلماتك أمتياز من نوع اخر قلمك جميل جدااا نثرت به أجمل وأرق الكلمات لا اجد الكلمات التي تجاري هدا الصرح من العبارات مبدع بطبعك فنان بذوقك و روحك و بعلو همتك وبتواضعك الجميل يسلم نبضك العروبي ابن النيل الاصيل ولك مننا كل الاحترام والتثديرإعجاب · رد · دقيقة
  •