((يادنيا))
عندى عينين وهاتحكى عليكى ...
شكلك عندى مهما يكون...
هاطلع فوق النجم العالى...
من غير شك ّ وحتـّى ظنون ...
عين من فوق وهتوصف ليهم ...
مقدار حجك وسط الكون ...
شايفه رمالك شايفه جبالك ...
شايفه الليل جـُوّاكى الحالك ...
شايفه مظالم شايفه ممالك ...
شايفه سراب الإنس الهالك ...
شايفه الباكى بسبب الظالم ...
شايفه الجاهل فيكى المالك ...
شايفه الإنسى مثال الجنّى ...
شايفه كثير عايش مـُتهالك...
شايفه بحورك مع أنهارك...
شايفه قلوب الغـِش مـِثالك ...
وانت ِ يادنيا عارفه بإنـّـــك...
حجم بعوضه ف كون المالك...
شايفه القاتل ويّا السارق...
شايفه الأخ لاخوه بيفارق...

وانت يادنيا عـُمر قصـيـّر ...
ليه الناس عاشقين أحوالك...
جينا ف دربك واحنا بنبكى ...
ذرّة نور فى الظـُلم الهالك...
ربـِّنا يغفر وهانستغفر ...
من خـَطاوينا وفعل ممالك...
وان كان حتـّى عددها ذنوبنا...
كان تعدادها كده بأيامك...
هوّ الساتر كل عيوبنا...
هوّ الغافر هوّ المالك...
..............................
تعبيــــــــــــــــــــر/
يحيي المصرى
28/9/2015

• أنت و ‏اسراء عبد الحكيم‏ معجبان بهذا.

• التعليقات

• • امل الغد لن أأتي هنا لأعبر لك اعجابي بموضوعك فقط
    بل لأقول بأنني أجد دائما بما تكتبه صدق وروعة الاحاسيس
    أشعر بأنني انتهل من أعذب المفردات ما لم اذق من قبل.....عرض المزيدإعجاب · رد · 14 دقيقة