غـــرام أصــلــــى
............
شديت عروق الروح 
ومسكت فى الفكرة
شمرت نبض القلب 
قلت اسبقه لبكرة
والعطر من ريحتك
وعنيكى تنده لى
ورميت بآخر أمل
فى عنيكى كان نعسان
وقع فى قلبى غلط
أو عمد .. مش فاكر 
دورت ولقيته 
فى مدخل الشريان
أقنعت روحى كتير
بمبدأ الإصرار
وطويت ليالى الشوق
وبدأت بالتغيير
أقسمت بِـضـُحاكى 
وبسورة التكوير
لقيتنى بالقاكى
وعنيكى ألف نهار 
والقانى ويـَّاكى 
فاتح لقلبى النار
قسمى .. ما بريته
قلبى اللى روضته
خان الوعود لى
زيفت نبضاته
وروييته بالمية
أملى انه يوم ينسى
أتاريه غرام أصلى
مست صعب تزويره
حبك 
سايب علامات
مرئية ومائية
..............
بــقـــلــــــم ا لـــشــــا عــــــر 
أ بــــو عــمــــــا ر ا لــمــصــــــرى