دابت دموعي في حضن الليل
تبكي عيوني علي المجهول
تسهر لليالي تدوق الويل
تلوم عينيا وأنا المسئول
أبات أداري حزن دفين
عاش جوايا بقاله سنين
جن عليا النهار سهران
بعيون بتبكي ما شافت نوم
باغتتني بصدمة هزّْة كياني
صابتني بنظرة كلها للوم
الشوق في قلبي نساني
ألآم وحزن أشجاني
طارت بعقلي وأفكاره
خلاني أفارق أوصاله
كان قلبه ليا حبيب وطبيب
بالحب يسهر يرعاني
مرت علينا كتير أيام
ما تخلا لليلة م الأحلام
يا لليالي فيك العذاب ألوان
ده قلبي عنده ما بقاله مكان
كلمات
محمد كامل موسى
