(( ده اللي باخده منك ))
كلمات / محمد السعيد
*******************
ده اللي باخده منك
تجرح وتلوم عليا
ولامره تحس إنك
ظالمني ولو شويه
يعني عامل عمايلك
تجرحني وقلبي جايلك
وكمان عايزني أحايلك
كإن الجرح مش فيا
أجي وقلبي ملهوف
وتبقى بعينك بتشوف
وتكسف لهفتي
وتكسر فرحتي
وترجعني دايما
وقلبي مليان خوف
على بعدي بتبقى قادر
ناسي الماضي والحاضر
كإنك واحد تاني
كل همه ينساني
واجي افكرك بوعدك
تعمل أل مش فاكر
يعني عامل عمايلك
تجرحني وقلبي جايلك
وكمان عايزني أحايلك
كإن الجرح مش فيا
ده اللي باخده منك
تجرح وتلوم عليا
ولامره تحس إنك
ظالمني ولو شويه
