يابو رحلة طويلة لبر مافيش
هتزق الريح دي لفين وازاي
سيبك بلا هم تعا اشرب شاي
فكك دي المركب غرقانه
يابو قلب مجرب ما تقرب
وتدفي اللحظة البردانه
ودي فرصه يا عم فمستيبهاش
خليها تضم الشوق وياك
حوِّشها يجوز تحتاجها فـــ يوم
تديها لإبنك أو بنتك
ساعة ما يفضوا الذاكره معاك
حلوه الأوقات لما بتلبس
في عيونك فرحة وطايرة بريش
ملعونة الدنيادي لو هانتك
وسابتلَك سِكَّة ما بتوديش
وان صادفك يوم أرخم م اليوم
إياك تتكتف في مكانك
قول طز وعيش
ساحة النقاش