الشاعر سعيد شكري

ماتمسكيش
علي كلمتين أنا قولتهم
وتقولي واد ناقص أدب
واتمسكي
بكام قصيدة كتبتهم
دا الشعر سلطان الأدب
عاتبيني زي مايعجبك
وماتقفليش باب العتب
بس افتحي للصفح باب
وماتزعليش من غير سبب
لو تسألي قلبك أكيد
عن قلب فـ العشق انصلب
هتلاقي فيه جواه رصيد
يغفرلي ذنبي المحتسب
وماتسأليش عن مين بدأ
وانا حرف تايه فـ السبق
بيلف ياخد دورته
يلاقيكي انتي المبتدأ
وانتي الحكاية فـ قصته
وانتي القدر عدا وفرق
مابقاش مابينه وبين ماضيه
غير القصايد والورق
حتي القصايد بين إيديه
صفحة هتطويها الكتب
جواها إسمك هتلاقيه
منقوش وبحروف من دهب
فاماتسأليش عن السبب !!! 
__________________
أغاريد الجيل الجديد/ سعيد شكري
http://www.facebook.com/abosaadkw