من فعاليات الأمسية الشعرية لرابطة مبدي مصر بالكويت وجماعة المحروسة الأدبية التي أقيمت في مكتبة الفروانية الخميس 13-12-2012.
أمسية بعنوان " في حب الوطن"
قصيدة "فك الطلاسم" ...شعر شحاتة فكري
الموج مخيف
والبر مش ملك لجبان
والطوب ما يملكش اللسان
علشان يقول مضروب ف مين
صوت الرصاص طالع حزين
والبندقية بترتعش وقت القرار
بتروح شمال
وتروح يمين
فاهرب بجلدك قبل متدوس ع الزناد
واهوى البعاد
عن كل فتنة بتشتعل بين الولاد اللي اترموا في السكة حلم
حلمك بينصع بالبياض متلونوش بالدم
اجمع شتاتك واترسم جوا اللي تاهوا سؤال
ليه الحقايق قبلت التزييف
والنيل مسلم نفسه للترحال
فك الطلاسم واقرا دا المقصود خطر
أول طريق الانفلات مربوطة في حدفة حجر
سيب القدر هو اللي يرسم خطوتك للموت
يونس مامتش جوا بطن الحوت
رغم الضلام شاف الحقيقة دعا
يونس ما بينا كل يوم بيموت
ومفيش ولا بينة
بتنصف اللي ادعا
ساحة النقاش