بحاول أعيش.. شعر شحات فكري
====================
بحاول أعيش
وأقول عادي
وأقول عدي
وأقول طنش
عشان تمشي الحياة
لازم نقابلها ببشاشت وش
ونستحمل بعزم ما فينا أحزانها ولا نكلش
تهز الكون بأوجعها
ونفضل وحدنا ثابتين منتهزش
ونضحك لما تهدينا الحياة دايما مشاكلها
ونجري بسرعة للنجمة المصاحبانا ونشكلها
وننسى الدنيا بهمومها وغلاستها ومشاكلها
نغير شكل أحزانا نعيد من تاني تشكيلها
أكيد صعبة الحياة لكن
أكيد هنعدي من ويلها
مفيش أسهل من التوهه
ولا أسهل من التسليم لطول ليلها
وأخر الحسبة معروفة ها يخسر مين يطاطلها
تعالى نعدي ونجرب نعيش تاني
ومتقولشي منيش قادر هموم الكون محاوطاني
يطول الليل وبعد الليل بيجي نهار
تطول السكة في عيونا وإصرارنا
يخلينا نعدي السكة والمشوار
ونلمس نور شعاع بكره بكف الأيد
أكيد هنعدي من المحنة لبكره أكيد
ساحة النقاش