كركبه ..... شعر شامل العزيزي
الأوضه عندي ملخبطه ومكركبه .. اعدي حلم اخبط في خشبة مركبه .
ارفع كتب متنتوره .. القى أماني مبعتره .
وأشوف بعيني الحزن بيسد البيبان .. واقف ف ضهره الافترا.
واشوف بعيني الفرح كاتب ع الحيطان .. عايش ولو ف المقبره .
... وفضلت الم الدم واجمع ف الألم . وفضلت ادور ع اللي محتاج يتفهم .
ولمحت توب مرمي .. فوقيه الدم تحتيه السواد .
ولمحت صبر النسر مستني الحصاد.
وطيت بدمعه وقمت فارد بسمتي .. ورفعت العلم .
ساحة النقاش