الغربه ..!!

مين قال انها حلوة .
الغربة فراق وبعاد وخنقة
وروتين مابيخلصش ..
كام مرة حنيت للذكري
وكام مرة ضحكت
ممكن تقولي قهوتك ايه
غير انها بتطلع دايما سادة .
معاك اد ايه فلوس
تساوي قدامها كام راحه
ها .. ساكت ليه كالعادة .
ومابتنطقش ..؟

الغربة .
دورها الاساسي ف حياتك
انك بتكون مش موجود
فاكر اول مرة سافرت
قولت ف عقل بالك مش هعود
ومع الوقت ..
ف كل ثانية ف دقيقة . ف ساعه
عليك بتفووت الوحدة صعبه
عليك ف بتموووت ..!
كام مرة حنيت لحضن امك .
وصوت ستك ف الاوضة
والرغي المعتاد مع جدك !
كام مرة بصيت ف الصورة
والدمعه نازلة مكسورة
ف البنت اياها اللي حبيتها
اللي فجأه قررت تبيع اهلك .. !

الغربة .
بتخليك ندمان انك متغرب
كام واحد بتحبه نسيك
وكام واحد اصلا بيسأل عليك
وكام واحد مش فاكرك
ف كل ماكانو يبعدو ف بتقرب انت
ب اكتر حاجة موجودة فلوسك ..؟

الغربة ..

ندم وفراق واحتياج ويأس
اكتشفت وانت بعيد
كام واحد فعلا بيحبك ..
وكام واحد طلع فس .!
ورجوعك ملهوش بديل
طول الوقت
رايح ف شيء ملهوش دليل
ف كام مرة كان نفسك تحكي
ف متلقيش حد ..
فطلع خنقك وتعبك .. بجد
ف جمله ع الفيس .
بتضحك وايه يعني .
وايه الداعي ..
ماهو انت برضه تعبان
بتندم انك سافرت وتندم انك حبيت .
وتندم انك ماسمعتش كلام امك .
اللي ماتت وانت بعيد ..
ومش ف حضنك
غ بتصعب عليك نفسك .
وتفقد الباقي من عمرك ..
وتعيش سنين كتير ندمان .

الغربة ندم ..!!