امريكا شيكابيكا

اول مرة تصعبوا على والله,شكلكم وحش قوى ياقوات امريكا فى افغانستان,اتهزأتوا بجد انا مكسوفاة لكم بجد.

قال ايه واحد خدعكم وتفاوض معاكم على انه الراجل الثانى فى طالبان وطلع بيشتغلكم.

مش عيب عليكم,قوات نيتو وهيلمان وييجى واحد يضحك عليكم ويهزأكم,لا واللى يضحك بجد ان الجنرال الامريكى الكبير قوى طالع يتكلم عن المفاوضات وانها نجحت وكانت ايجابية.

عينى عليكى يا امريكا والله كفاية عليكى كده تهزيئ ياريت تفهموا بقا انكم بالونة كبيرة وان شاء الله هتفرقع قريب.

وعيب بقا على الانظمة العربية انها لسة ماشية ورا أمريكا,مش كفاية بقا ,ياعينى على الاسود وهى خاضعة للفئران ومصدقة انهم اقوياء.

ياريت كل واحد بيتحامى فى امريكا يفوق من الغيبوبة اللى هو فيها,والحقيقة امريكا باين هبلها من زمان ومستوها انكشف من ساعة الازمة الاقتصادية ولسه بردوا فى ناس ماشية فى ركابها.

ياريت كل واحد يتحط فى مستواه الحقيقى,ولعل هذه الاية تنطبق على حال من يستعين بأمريكا من دون الله ويمشى فى ركاب الظالمين.

(سنلقي في قلوب الذين كفروا الرعب بما اشركوا بالله ما لم ينزل به سلطانا وماواهم النار وبئس مثوى الظالمين )