جارى التحميل
استخدم زر ESC أو رجوع للعودة
لازم أغني تاليف الحسيني الطاهر
لازم أغني لازم أغني لحني مش ممكن يموت
لازم يكون عندي أمل وأهز أوتار السكوت
لمان ألاقي الغدر في كل الوعود
لمان ألاقي الحر ف أديه القيود
حتى إن عداني 100 طاغوت وطاغوت
لازم أغني لازم أغني لحني مش ممكن يموت
لما يموت عندي أمل حغني للأمل الوليد
وهنسى لحظات الألم لازم أكون إنسان جديد
لما يموت إخلاص حبيب
وألاقي روحي بقيت غريب
حغني للفجر القريب أن كان قريب
وان كان بعيد برضو حغني بألف صوت
لازم أغني لازم أغني لحني مش ممكن يموت
لو مرة ملقتش القمر حفني ف الليل للنجوم
غنوه معانيها الأمل يمكن تنسيني الهموم
لو مرة ملقتش النجوم حغني للقلب الوحيد
واقله في عز الهموم بكرة يدوب وادي الجليد
حهد أوكار التعالب وأشيل خيوط العنكبوت
لازم أغني لازم أغني لحني مش ممكن يموت
غنواية تيجي على الجراح بلسم يخليها تطيب
غنوة تنسيني اللي راح يمكن تعوضني الحبيب
في الغنوة أقول موال حجات كتير معناه
الاقيني أنا جواه نفسي أقول آه آه
بس أخاف بكرة يفوت
لازم أغني لازم أغني لحني مش ممكن يموت
لازم أغني مهما يجري أو يكون
لازم يكون جواي يقيني في الظنون
نفسي أقول كلمة تأثر في الجماد
تمحي السواد تحي قلوب بقيت رماد
غنوة بصوت عالى ميعرفش الخفوت
لازم أغني لازم أغني لحني مش ممكن يموت
لازم أغني مدام فؤادي فيه نغم
لازم أغني مدام قلوب بتقول نعم
أغني يعني مبدأ أكون معناه
أغني يعني أمشي ف طريق الله
أصرخ أقول ال آه من صدر بات مكبوت
لازم أغني لازم أغني لحني مش ممكن يموت
ليه نظلم الدنيا نقول دنية وحوش
م أحنا اللي زيفنا الحقايق بالرتوش
بقينا كروش تلهث ورا صورة القروش
وعشان أحوش
لازم تكون النار ف جسمي عشان أحوش
بقيت صنوف الناس ضاني وقرش وحوت
لازم أغني لازم أغني لحني مش ممكن يموت
ليه نظلم الدنيا نقول آه م الزمن
ليه الكلام والحلم ب البويه أدهن
ليه نفتكرشي المولى إلا ف المحن
وأنا جنبك بأن
ليه جرحي متحسوش وأنا جنبك بأن
بقيت هموم الناس دهب مورجان ياقوت
لازم أغني لازم أغني لحني مش ممكن يموت
سلامي اليكي يا مصر وسلامي الى اهلك فردا فردا وسلامي الى ارضك حبة حبة وسلامي الى صعيدك الطيب واهلي في صعيد مصر الغلي
ساحة النقاش