وداع تاليف الحسيني الطاهر
كلمة وداع اللي تقولهــــا ياريت يموتها الســـــــــكوت
وأنا قبل متقولها حقولها لو نفترق أنا موش حمــــــوت
دلوقتي جاي تقول وداع مين أشترى ومين اللى بــــاع
حتقول وداع رحقول وداع قلبك يعيش وأنا قلبى ضاع
أنا كنت أشوف إنك عنيده وكنت أشوف عنــــدك دلال
دلـــــــــــــوقتي أدركت الحقيقة إنك خيال حبك محـــال
نادم على كل اللى فــــــات أيه يعني أنت تخون وأحب
أيه يعني كـــــــــل الذكريات ع الهجر صبرني يـــارب
ياللي أنت قلبك من حـــــديد قاسي وعنيد والأسم قـــلب
مين اللــــــــــي قال أنك حبيب أو حتى يوم تقدر تحب
أنا كنت أشوفك حلمي بكرة وكنت أعيش وأحلم وأشوف
وكنت أعيشك أحــــــــــلي ذكرى كعبتي لو يوم أطوف
دلــــوقتي أنت بقيت مفيش حـــــزين سعيد متهمـنيش
أنت خيال وطيف وطيش أرحل حبيبي وسيبني أعيش
ساحة النقاش