اضغط هنا لزيارة موقع الرابط

موضوع: بدون عنوان تاليف الحسيني الطاهر 

 
ومهما حاولت أشوف غيرك
لانا قادر ولا بقدر
وأحبك
لين تقول الشمس موش طالعة
وأحبك
لين يقول الفجر موش راجع
وبعد القول أحبك تاني وبحبك
م انا راجع
م انا راجع, وانا كل الربيع فيكي
وكل المهر انا دافع
موش إنتي برضوا بتحبي العطور والورد
أنا عطرك ولا الزكام والبرد خلوكي مبتشميش
أنا وردك ولا التراب خلى عيون قلبك سكرانه مبتشفنيش
انا وردك ولمان أنقطف ليكي أنا بفرح كأني بعيش
دنا وردك وبعت الورد علشانك
رميته بيدي في حضنك
وقلتلك ياست الكل
فداكي الورد شميني أنا وردك
شميني وضميني لصدرك إنتي ياغالية
وساعتها يهون كل اللي جاريلي

وتبقي انتي  شمعايه تنور في ضلام ليلي

وتبقي انتي بسمايه تنور لي  مواويلي

وساعتها يهون همي اللي قطع حيلي

وترحل سنين الشقا وتبقى ساعات وتبقى ثواني ياماية

يزول

وساعتها تهون سنين الشقا والمر
تبقى ساعات
وتبقى ثواني يا اماية
عارفة وانا راجع وكان الشوق بيسبقني أبوس خدك
وكان الخيال سارح بيتأمل جمال قدك
  كنت بهيم!!! وكنت بقول ياست الحسن مين قدك
ووسط الحلم الاقي موجة متعافية وفيها الغدر قصداني
وقصداكي بتاخد مركبي لم الضياع تاني
و لاقي عنيي من كتر اُلبكا تبكي ووجعاني
واقول سمعاني يا امايه؟يا امايه سمعاني؟
ألاقي اليأس ينصحني عشان ابعد بعيد وبعيد
يقولي الشط موش شطك وهيم في البحر تبقى سعيد
أقوله أكيد؟ أكيد يا يأس؟ يقولي أكيد
يعرفشي حيرتي غير اللي تاه زيي
يعرفششي حيرتي غير اللي إنكوى بناري؟
تبعد سنين العمر وتعدي لأمته يامصر اخبي الجرح وأداري؟
كأني الحزن متسطر كأني الحزن متقدر وكيف أصبر
ومهما حاولت أشوف غيرك لا انا قادر ولا أقدر